用剩嘅洗頭水、沐浴露加水有冇問題？專家：好似用緊污糟水沖涼　

============
【家居達人】旅行移民留學注意！
專家教揀喼10個貼士 : 
如何防止海關爆鎖/旅行爛喼賠償有秘訣！

============


1. 專家表示：無論係邊一種清潔用品，都有通過實驗嚟達成最佳嘅配方成分比例，以確保安全性及有效性。如果自行加水入去，除咗會稀釋同破壞比例，而令產品效果、清潔作用大大降低次外，亦存在滋生細菌、黴菌嘅風險，就好似用緊污糟水沖涼咁。

2.　由於自來水本來就帶有細菌、雜質等，沖涼時水處於流動狀態就唔會有太大問題。但裝進瓶內處於唔流動又潮濕嘅狀態，細菌量就容易不斷增長，亦有可能滋生黴菌。如果間唔中發現沐浴露有哂，加少少水即時應急都還好。但長期使用就會引起4大隱藏問題啦～

3.　4大潛藏問題及風險
減低清潔效果：啱啱都提到加水會稀釋同破壞比例，令產品嘅清潔作用大大降低。所以除咗洗頭水、沐浴露，我哋都唔應該將水加入洗潔精內，因為過度稀釋會減弱清潔效果，導致啲碗洗完都好似油油地咁。

4.　皮膚疾病：長期使用加水嘅沐浴露可能會引起皮膚疾病，特別係容易皮膚過敏嘅人，可能會出紅疹等皮膚過敏症狀，到時要睇醫生就得不償失啦～

5.　傷口感染：如果身上有傷口又用咗充滿細菌嘅沐浴露，都有可能造成細菌感染㗎～

6.　掉髮危險：男士們要更加小心啦，長期使用加水嘅洗頭水分分鐘會甩頭髮，真係唔好慳啦～

Text／ bee
Source/ PhotoAC