近年香港人愈嚟愈鍾意露營，就算唔係去沙灘或者偏遠地區嚟個認真版遠足露營，好多人都會趁假日帶同小朋友或同一班朋友，去公園草地紮營，野吓餐、放吓狗，消磨半日，但閣下有無諗過：其實市區嘅公園，係咪真係准許市民紮營嘅呢？如果用唔使落營釘嘅帳篷之類，係咪無問題？不如聽吓電視節目《LAW霸女神》請嚟嘅律師講解吓啦！
============
同場加映【家居達人】旅行移民留學注意！專家教揀喼10個貼士
如何防止海關爆鎖、清潔要靠2個法寶、旅行爛喼賠償有秘訣！
============
陸偉雄大律師話根據《郊野公園及特別地區規例》第11(3)條，「任何人不得在郊野公園/特別地區內，露營/建立帳幕/臨時遮蔽處。除按照總監批發的許可證規定及在指定41個露營地點內」，即係市民只可以喺全港指定嘅41個可露營地點紥營，例如流水響營地、嶂上營地等，至於其他合法露營地點喺邊度？可以參考呢個網址：https://www.afcd.gov.hk/tc_chi/country/cou_vis/cou_vis_cam/cou_vis_cam_cam/cou_vis_cam_cam.html
好多市民都鍾意假日去公園草地撐起帳幕，野吓餐放吓狗，但原來，係唔合法㗎！
陸偉雄大律師話其實喺41個指定露營地點以外紥營，已經係犯法。
大家不妨登入漁護署網站，睇吓香港有邊41個合法露營地點。
如果個帳幕有用營釘，就更加有破壞草地嘅可能，若果帳幕有拉繩，晚上亦有機會令路過而無留意嘅遊人絆到。如果用咗唔使落營釘嘅輕便型帳幕……陸律師話其實都有犯法，不過喺執法人員口頭警告下，最好快啲收返埋，應該都唔會被檢控。
即使係唔落營釘無拉繩嘅輕便型帳篷都係唔合法，陸律師忠告萬一有執法人員嚟畀口頭警告，大家都係快啲執嘢走。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
