唔少人都鍾意飲茶，茶包嘅出現就令都市人喺忙碌嘅生活中都可以快速地品嚐一口熱茶。平時用完嘅茶包一般都會丟棄，但其實茶葉用途好多，喺日常生活都會用得著，今日一於教大家5個小妙招，學識循環再用泡過嘅茶包啦～
============
同場加映：
【家居達人】記者實測！8款中伏家居小工具 微波意粉盒有驚喜、嘥錢磨蒜器、雪糕專用匙好掂
============
妙用一：去除油污
茶葉中嘅茶鹼有去油解膩嘅效果，如果餐具、鍋具或鋅盤洗完都覺得油笠笠的話，可以試下用熱茶水浸泡一陣，或者過夜效果會更好，油污就更加容易清除。
妙用二：作為肥料
泡過嘅茶葉依然含有礦物質、碳水化合物等營養，可以將茶葉埋入泥土之中等佢慢慢發酵成肥料，有助土壤疏松，吸引更多養份。
妙用三：吸濕、除臭
利用焗爐烘乾或自然風乾茶葉，然後將乾茶葉放喺容器之中，並擺喺鞋櫃、衣櫃、雪櫃等，有助除臭同吸濕。注意一定要完全曬乾嘅狀態先可以用，否則冇任何效果。
妙用四：做烘焙、料理
泡過嘅茶葉如果仲有味的話，可以用嚟做烘焙或者料理。烘乾咗嘅茶葉就可以用嚟整紅茶曲奇、蛋糕、bagel等等。濕茶葉就可以用嚟整茶葉蛋或者加入其他料理，令菜式多一層茶香，更加特別。
妙用五：冷敷眼睛
飲茶對身體有益就人人皆知，但原來用嚟敷眼都有好有用㗎～雪凍咗嘅茶包冷敷眼晴上可以幫助血管收縮，令黑眼圈冇咁嚴重之餘，仲可以幫助眼晴消除浮腫，不過效果因人而異，大家不妨試下啦～
Text／ Bee
Source/ unsplash
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
