網民熱議：屋企地磚應該用拋光磚定啞面磚好？ 拋光地磚客易跣腳又老套？啞面地磚難清潔只啱廚廁用？

===========
同場加映：
【家居達人】專家教颱風來襲6大必知 必學 DIY驗窗法+強制驗窗點搵師傅？1招預防窗戶意外

============

啞光磚易刮花難清潔？拋光磚感覺老套？
網民於連登討論區上以「拋光磚同啞光磚邊樣好？」為題發文，表示自己同屋企人喺地磚選擇上嘅意見有分岐，並問網民屋企地磚應該用拋光磚定係啞面磚會較好：「我本身揀左(咗)隻淺杏色啞光水泥紋磚舖(鋪)客廳同房，但屋企人x到啞光磚一棟都無(冇)，又話易刮花，又話難清潔，死都話拋光磚舖(鋪)客廳地板先好。但我就厭(嫌)拋光磚老土，想請教有冇巴打屋企係舖(鋪)啞光磁磚，實際用落咩情況」

有網民發文問家中地磚採用拋光磚還是啞面磚會較好，因其家人指啞光地磚容易刮花而且難清潔，但自己則認為家中選用拋光地磚感覺老土，令他於兩者之間難以選擇。

拋光地磚易清潔但較跣腳？ 反光效果會令人煩厭？
對於呢兩款地磚邊一款會好啲，有網民就指拋光磚雖容易清潔，但卻有著較易跣腳嘅風險：「拋光(磚)易清潔，但有水就好跣」、「如果冇小朋友/老人家，咁光面啞面都冇所謂，因為光面濕水/有塵會比較洗(跣)，但清潔上光面係易打理既(嘅)」，亦有網民唔滿意拋光磚所具嘅反光效果：「光磚最黑(乞)人憎係反光，太陽照到地板真係眼都盲」、「拋光磚在廳會反射天花燈唔好睇，但易清潔」、「係，尤其唔好配盒子燈，射燈，間屋一閃一閃小星星咁」

有網民指拋光地磚相對上較易清潔，但卻容易跣腳，會增加滑倒的風險，若家中有小朋友或老人家應注意。

有網民則認為拋光地磚的反光效果討厭，當燈光被反射時會令觀感受影響。

用拋光地磚好老套？ 有大陸/土豪感覺？
而有網民就更認為屋企地磚採用拋光磚感覺會非常老土：「老一輩係唔中意啞色，但拋光(磚)真係好老土」、「緊(梗)係啞光啦，襯得好幾靚，拋光好老土..過左(咗)氣」，甚至有網民將選用拋光地磚嘅單位形容為「大陸/土豪feel」：「拋光磚勁大陸feel」、「正想講，好x土豪feel，除非屋企真係豪宅，成個格調襯到就靚，香港細細地(哋)既(嘅)樓用拋光地磚好xx，電視特色牆反而ok」

有網民指家中採用拋光地磚感覺老套，像是內地單位的裝修風格。

啞面地磚只適合於廚廁用？揀深色同非淨色嘅啞面地磚會較好？
至於啞面地磚，有網民就指啞面地磚易污糟及難以清潔，但會比起拋光地磚防跣，於廚房及廁所較為適用：「(啞面地磚)難清潔都夠你死，好快就會(有)一層灰灰黑黑在面，真係要keep住刷地，用水拖係冇用，廚房廁所浴室先會用啞光(磚)，因為防sin(跣)」、「拋光(磚)鋪廳好d(啲)，感覺高級好多，啞就防滑好，要黎(嚟)鋪廁所」、「啞光(磚)花咗都冇咁覺，但易污糟，冇咁跣」

對於啞面地磚有較易污糟同難清潔嘅問題，有網民就建議可選購較為深色及非淨色嘅啞面地磚：「啞光冇乜問題，不過唔好揀啲太淺色同太淨色，如果唔係跌條頭髮落地都好覺眼，我就係受害者」、「建議唔好揀淨色+淺色+粗糙表面，好顯污糟，你揀既(嘅)淺杏淨色污糟少少就會好顯(眼)同好似好舊咁，你建議(建議你)揀深色少少+暗紋」

啞面地磚相比起拋光地磚更為防滑，但卻容易污糟，網民認為只適合於廚房及浴室使用。

網民建議可選購一些較深色以及非淨色的啞面地磚，可減少污糟的感覺。

text/Jonathan
photo/HKET圖片庫