好多人都無奈地試過遺失手機，不過即使報咗警，都未必搵得返部手機！啱啱又有網民喺「香港失物報失及認領群組」分享咗唔見手機嘅經歷，並且向網民求救！「5月1號夜晚8點半左右係旺角俾人剪走左（咗）部電話iPhone 14pro 紫色 256GB，已經即時報警都冇用，locate到仲係旺角先達附近，我已經lock左機嫁啦，都知道機會渺茫，但想問仲有咩辦法，部機用左4個月咋！麻煩哂咁多位！」，好多網民都覺得開關後治安差咗！大家又有乜嘢意見可以幫到樓主手呢？
同場加映【家居達人】旅行移民留學注意！專家教揀喼10個必知
如何防止海關爆鎖、清潔要靠2個法寶、旅行爛喼賠償有秘訣！
============
我朋友直頭試過俾人伸手入衫袋偷，出得嚟揾食都係高手！
網民都覺得今次嘅手機賊，真係有備而來，而且都真係高手：「唉，就算蝗國既（嘅）網紅比（畀）人偷手袋都要40分鐘後先到，仲要話睇唔到cctv邊個偷幫佢唔到，所以更何況我地啲香港人呢，啲差佬心諗咁少事就未L煩我喇！R.I.P樓主部手機」、「就算布條，喺街要剪斷都唔容易，好恐怖！」、「專業架，帶齊架生」、「磚財呀！應該好利嘅細刀片仔」、「果塊野好薄，會唔會斷左（咗）呀？剪左（咗）咁大動作，你都感覺唔到？」、「我朋友直頭試過俾人伸手入衫袋偷，出得黎（嚟）揾食都係高手」、「係上面人落黎（嚟）做案，我屋企人俾兩人撞一前一後剪金鏈」。
樓主喺旺角被賊人剪走咗部iPhone 14pro 紫色 256GB，雖然已經即時報警，不過網民都話睇手法，個賊都係高手，恐怕都係凶多吉少。
樓主失手機後，立刻lock機，並且已經好快locate到手機仲係旺角先達附近，不過都似乎救唔到部手機。
有網民都有屋企人試過唔見手機，結果都係一殼眼淚：「無嫁喇，有屋企人試過馬鞍山比（畀）人搶，轉頭find已經係先達，已經即時lock 機都比人解鎖，最慘連個apple I’d 都拎唔返，無晒backup，所有相都無晒，報警同報Apple ，最後只係Apple store將買現金咭條數免左（咗）」。
有網民話試過家人喺馬鞍山唔見手機，轉頭已經發現喺出現喺先達。
試過畀人偷手機後報警 係拉到個賊 但部機已經賣咗！
有人認為報警已經係最好嘅方法：「如果佢拎去先達，你有裝find my phone，報警好似可以搵到」、「其實你選擇報警就得啦，只要一開機，啲警察會追蹤到個訊號葛啦，」，點知樓主竟然話：「報左都唔望佢地會幫手追到，已經唔開心仲要俾佢地搞到我一肚氣」，但網民就話係有用嘅：「我身邊有朋友就追反（返）部電話，仲要拉埋條友添，只要部電話開機，就可以做到嘢」，但樓主就咁講：「佢地琴日開過我部電話黎（嚟）嫁，如果唔係我都見唔到個location，但開左（咗）一陣就熄左（咗）啦」，亦有網民真係試過警方拉到個手機賊，但都係追唔返部機：「我被人偷電話個次，系（係）有拉到個賊，但部機已經賣左（咗），追唔番，唔系個個case都追得架（㗎）」、「我報過！冇用！ 佢地話冇證據證明邊個人偷咗你部電話」。
雖然有網民話立刻報警都已經係最好嘅方法，但亦有網民話試過畀人偷手機後報警，係拉到個賊 但部機已經賣咗！
有網民覺得通關後，治安差咗，大家真係要自求多福：「唉，其實我都想買條依啲掛繩，就係考慮過會被剪，所以先打消依個念頭，一通關就黎（嚟）料，希望樓主搵得番個手機啦！」、「啲人真係好猖狂！希望你會搵得返！我平時都係用繩孭住電話出街，之後一放寬開關我老公就提我多咗咁多『人才』嚟香港，安全起見都係唔好掛喺個身度收返入袋，呢排大家真係要小心財物」。
但唔少網民都覺得只不過通關咗唔係好耐，但治安都真係差咗，叫大家都係要小心財物。
text/Joyce
photo/香港失物報失及認領群組截圖、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
↓【限時搶⚡】Nourwish重生育髮系列！↓
↓ 提升頭髮彈性/令頭髮變得滋潤及豐盈↓
