有時小朋友會唔覺意令到其他小朋友受傷，例如倒瀉熱水淥親其他小朋友，究竟小朋友係咪需要負上刑責嘅呢？如果小朋友年紀太細又唔係有心整傷人嘅話，會唔會反而係小朋友身邊嘅父母要負責？或者有無犯咗類似疏忽照顧兒童之類嘅責任呢？不如睇下電視節目《LAW霸女神》請嚟嘅律師點講啦！
============
同場加映
【家居達人】百萬人氣網紅媽媽Kimono Mom 日本煮婦廚房好物/廚具保養法
============
根據節目入面嘅蘇文傑律師所講，如果小朋友根本唔係蓄意有心造成他人身體損傷嘅話，係唔使負上刑責嘅，但至於父母使唔使負刑責呢？蘇律師就話要睇吓父母有無教唆同煸動喇！根據《刑事罪行條例》第38條：「任何人煽惑、企圖促致或企圖唆使他人犯罪，均屬違法，可予以起訴、公訴、審訊及懲處」，例如如果媽咪覺得對方小朋友成日整古或欺負自己小朋友，而教唆自己小朋友去搵機會報仇嘅話，咁媽咪就有機會犯上煽動罪。
蘇文傑律師所講，如果小朋友唔係蓄意造成他人身體損傷嘅話，係唔使負上刑責嘅。
不過原來刑事責任係一回事，民事索償又係另一件事，重點就係在於家長有無涉及「疏忽照顧」。可能構成「疏忽照顧」的情況，包括1.子女進行「高危活動」時，父母沒有作出合理程度的監督及控制；2.子女有特殊學習需要，父母沒有作出合理程度的監督及控制；3.意外屬於「可預見意外」，如有成年人監管，意外根本可避免發生。
當然，呢類意外可能涉及民事索償，重點就係在於家長有無涉及「疏忽照顧」。
究竟幾多歲嘅兒童或少年犯罪，先會構成刑事責任呢？原來根據《少年犯條例》第3 條：「10歲以下的兒童不能犯罪，屬不可推翻的推定」，但如果係教唆小朋友嘅話，係會犯上刑責。蘇律師指出曾有個案例，一對父母讓小孩隨處便溺，所以喺呢個情形下，父母就係有鼓勵及教唆他人咁做。
理論上10歲以下嘅小朋友「做錯嘢」，係唔算構成刑事罪。反而要睇吓父母有無責任鼓勵及教唆小朋友「犯罪」，咁父母係有機會犯上刑責。
text/Joyce
photo/節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
