平時有去開街市買餸的朋友留意啦，最近又有老人家被街市檔險被「呃錢」！最近有人妻在網上發文，指奶奶去將軍澳彩明街市買魚時被呃$400，幸好當時與丈夫都在奶奶身後，並大聲喝斥才追回餘款，帖文引起大批網民熱論，有興趣可入內文睇睇啦！
日前有街坊在Facebook群組「將軍澳主場」中，分享奶奶在街市買餸險被呃$400的經歷，她表示自己上月23日與丈夫、奶奶彩明街市買餸，當時奶奶在某魚檔買了一條＄60的魚，直接支付＄500紙幣給「賣魚亞叔」，沒想到對方只找續＄40，然後若無其事繼續劏魚。
眼見「賣魚亞叔」沒有找續餘下的$400，於是奶奶便向對方說:「我畀咗$500，你未找齊錢喎」，但對方堅稱「無收過＄500，之後就話你睇我個兜無喎」。幸好當時樓主以及丈夫都在奶奶身後，於是他們幫口「睇住你剛收咗我奶奶$500㗎，你仲唔認」，一開始對方「死都唔認」，身旁的兩位魚販也假裝聽不到，擾攘一輪後樓主大聲指責「呃錢」，一旁賣魚的女人才輕聲細語指，「個兜咪有張＄500囉」，「賣魚亞叔」無可奈何下才找續餘下的$400。
眼見其他魚販完全不敢發聲，樓主則認為「賣魚亞叔」應該早有前科，明顯之前也有用這種手法欺騙其他老人家。同時她也表示，如果這次不是陪同奶奶去買魚，相信「賣魚亞叔」肯定不會承認有收過$500紙幣，直斥「呢間野實在太唔老實，連老人家錢都呃，我永不會再幫襯！」
帖文一出即引起網民熱論，有網民認為該魚檔存心欺騙老人家，「D人有心呃長者」、「所以老人家買野，唔好拎大紙」。不過也有網民認為現在只有樓主單方面說辭，對於「賣魚亞叔」並不公道，「而家成個街市都係cam，不如問管理處攞返段閉路電視影片出黎俾大家睇」、「只要唔係太耐之前，管理公司一般都會俾片，只要知道大約既時間同位置就會好易check到。」、「呢種爭議出現過N次，雙方都有機會出錯」。
同時亦有不少網民建議，大家去街市買餸盡量不要用大鈔，「買魚同海鮮就千祈唔好比大紙，一來找回來的又濕又腥，二來有啲唔老實嘅」，或是使用大鈔買餸時最好大聲跟老闆說，「真係要大大聲話比收錢既人聽」、「我保障自己會大聲講比左500蚊你」、「其實你比錢嘅時候講聲係500蚊紙」。
同場加映：【衝出嚟玩】日間船P散團出海玩足7小時！夾船單人報名都得！中環出發/包三餐/酒水任飲
」，
App內睇文同睇片可隨時捕捉U Fun彩蛋，
換領現金券及禮品！
↓【送】鴻福堂嚐月精品月餅禮盒！↓
↓迷你流心奶黃／宇治抹茶／陳皮豆沙月餅↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
