網民熱議：煮食用煤氣爐定係電磁爐較好？ 用煤氣爐煮嘢先夠鑊氣？電磁爐安全又容易清潔？

============
同場加映【家居達人】旅行移民留學注意！專家教揀喼10個貼士
如何防止海關爆鎖、清潔要靠2個法寶、旅行爛喼賠償有秘訣！


============

煎、炒用煤氣爐較好？用明火煮食先有「鑊氣」？
網民於Facebook「家居裝修分享谷」發文，表示自己屋企廚房要裝修，並問網民煤氣爐同電磁爐邊一款爐具會較好用：「以前一直都係用開明火爐，宜(而)家廚房要裝修，見好多人都話電磁爐好，請問有無(冇)人兩樣都用過，可以講下(吓)邊樣好D(啲)阿(啊)？我平時煮野(嘢)係用易潔鑊炒/煎野(嘢)+鑊蒸野(嘢)同烚野(嘢)多」，

對於邊一款煮食爐較好用，有網民就認為煤氣爐於煎、炒上表現較佳，會有所謂嘅「鑊氣」：「明火(爐)鑊氣夠，煎扒炒餸好味」、「唔煎唔炒用電磁爐ok，但要煎炒用明火最好」、「可以明火梗係明火，電磁爐慢，無鑊氣，熱左(咗)隻鑊加啲野(嘢)落去降溫快，升溫慢」亦有網民指使用煤氣爐於煮食上更易控制：「我兩種爐頭都用過，始終都係覺得明火好啲，易控制啲」

有網民指當煎、炒食物時使用煤氣爐會較佳，用明火煮食才會令食物有「鑊氣」。

揀啱廚具就算係用電磁爐煮食都可以有「鑊氣」？
對於有網民指用電磁爐煮食會冇「鑊氣」呢個問題，有其他網民就反駁指用電磁爐煮食有冇「鑊氣」都係決取於使用者，只要採用適合嘅廚具，電磁爐都可以煮出有「鑊氣」的食物：「識用就乜都好用。鑊氣都係睇你識唔識用，大把餐廳用電磁爐，唔見你話佢冇鑊氣」、「鑊氣呢家嘢，IH(爐)加鑄鐵鍋已經可以做到！祇(只)要識用廚具，電磁爐真係冇得輸！」

有網民指煮食時使用電壓和輸出功率較高的電磁爐(IH爐)以及鑄鐵鍋都能煮出有「鑊氣」的食物。

電磁爐較安全又易清潔？比起用煤氣煮食更平？
亦有網民提出電磁爐嘅其他優點，指電磁爐於使用上較安全，家中如有長者或小朋友更應揀電磁爐：「電磁爐最大的好處是有時間制，家中有老人家和細路首選要安全」、「2樣都用過，我反而用完電磁(爐)番(返)唔到轉頭，安全好用，又有時間制」，有網民則指使用煤氣煮食費用高昂，使用電磁爐煮食會較平：「煤氣費勁貴，我用電磁爐、蒸焗爐加埋電費划算過用明火」、「兩樣都用過，再選擇都係用返電磁爐。經常煮飯既(嘅)，煤氣貴到癲」，更有網民指電磁爐清潔方便：「我覺得電磁爐好，容易清潔乾淨易打理安全」、「我以前明火， 之後轉咗電磁爐， 一個乾淨已蠃晒！」

網民指電磁爐配有時間制，煮食上會比起煤氣爐更為安全，家中住有長者或小童更應使用電磁爐。

有網民則指電磁爐於清潔上更方便，亦會比起使用煤氣煮食更化算。

網民建議：同時安裝煤氣爐及電磁爐
而有網民就基於煤氣爐及電磁爐都有各自無可取代嘅優點，建議其實可以於廚房同時安裝煤氣爐以及電磁爐：「一個單頭電(磁爐)一個單頭明火(爐)最好」、「煎炒明火(爐)好，蒸煮炆煲湯電磁爐好，電磁爐最好(係)唔熱，唔會令廚房升溫，長時間開火如煲湯一定電磁爐好，真係各有各好，我兩個都整咗」「電磁爐煮野(嘢)真係無咩鍋(鑊)氣，但就真係夏天開火都唔熱，同埋易打理，無咩窿窿那那(罅罅)要清潔，我都覺得有谷友提意(議)一明一磁就最好」

由於煤氣爐及電磁爐都各有不同的優點，有網民建議可於廚房同時配備煤氣爐及電磁爐，並分別使用在不同的烹調方法上。

text/Jonathan
photo/HKET圖片庫