大家習慣家中嘅毛巾、浴巾用幾耐先會換一條新呢？有人會半年至一年換一次；有人會用到毛巾變粗糙、失去吸水力，甚至出現異味先會更換。不過香港天氣潮濕，踫上梅雨季，唔好話毛巾，衣服都未必乾透，而且容易有噏味，咁點樣先可以避免毛巾發臭呢？
============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？
============
浴巾幾耐要換一次？
專家就建議可視乎個人情況、毛巾質量而決定更換頻率，一般而言毛巾應該每日清洗、2至3個月更換一次就最理想，而半年至一年換一次都係可接受嘅範圍。
浴巾正確使用方法：
第一點：使用後攤開晾乾
每次用完毛巾之後，可能會直接掉到洗衣籃隔天再洗。但其實如果唔係立即清洗毛巾的話，最好用完之後，將其掛喺通風位，或者用衣架攤開晾乾，咁就冇咁易出現噏味。
第二點：通風處晾乾
相信好多人沖完涼都習慣將毛巾放喺浴室，咁就要留意浴室最好係通風透氣，或者使用抽濕機令浴室環境乾爽。
第三點：每日清洗
毛巾應該每日清洗，不過放入洗衣機的話，盡量唔好加入柔順劑，因為柔順劑裏面嘅活性劑會令毛巾嘅吸水力逐漸降低，影響毛巾品質。如果出現臭味就要立即停用，因為上面可能已充斥住大量細菌、霉菌，對皮膚有害！
第四點：增加清洗次數
如果本身汗水或油脂分泌較為旺盛，毛巾沾上身體嘅皮脂同汗水容易滋生細菌，應該增加清洗及更換嘅頻率。
只要日常生活做好上面提及嘅用毛巾習慣，毛巾就可以維持一定嘅品質，而且冇咁易產生異味啦～
Text/ Bee
Source/ unsplash
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
