網民分享老婆特別減壓方法！ 「只要一唔開心就去洗嘢，洗廁所洗洗手盤，總之乜都洗」

同場加映【家居達人】旅行移民留學注意！專家教揀喼10個必知 
如何防止海關爆鎖、清潔要靠2個法寶、旅行爛喼賠償有秘訣！

============

人妻以買嘢減壓變成「洗嘢」
樓主於香港討論區以「壓力大嗰陣大家會點發洩？？」為題發文，分享自己老婆會以清潔屋企不同嘅地方去減壓，並問一眾網民各自會有咩減壓嘅方法：「好多年前老婆因為大壓力要用買野(嘢)黎(嚟)減壓，結果一屋都係野(嘢)仲要爭卡數，要幫佢一齊還先搞得掂，雖然佢話宜(而)家已經改左(咗)唔會再亂買野(嘢)，佢宜(而)家只要一唔開心就會去洗野(嘢)，洗廁所洗洗手盤，總之乜都洗，老婆話佢洗完之後真係舒服好多，屋企宜(而)家都好乾淨，基本上咩都比(畀)佢洗過晒，我估佢下一步會想抹窗…唔知大家又有咩減壓方法呢？」

有網民分享自己老婆由過往以購物去減壓轉變成為家中各個不同的地方清潔以舒緩壓力。

網民：會以食嘢、打機、做運動去減壓
對於樓主老婆以呢一種較為特別嘅方法去減壓，有網民就指呢個方法若能令自己變得舒服就冇問題，而且亦唔會要用上好多錢：「洗完舒服咗咪OK囉，清潔劑又唔係貴」，亦有網民笑言自己屋企嘅廁所都需要幫忙清潔：「我個厠(廁)所都需要你！」

而另外亦有網民分享自己唔同嘅減壓方法，有網民就指食嘢可以令自己心情變好：「最鍾意食野(嘢)發洩」、「食d(啲)好嘢心情好好多」，有網民則指打機可以做到忘我嘅效果：「打game最好，完全忘我幾小時」，亦有網民提出做運動以及對海大叫等等嘅減壓方法：「做運動爆汗」、「對住個海大嗌」

一眾網民分享自己會以進食、打機、做運動以及向海大叫等等的方法減壓。

text/Jonathan
photo/HKET圖片庫