近日有位網民就喺Facebook嘅種植群組上發文，分享自己喺露台嘅盆栽中發現一隻外形相當特別嘅綠色昆蟲，並附上該綠色昆蟲嘅圖片，從圖中可見其外形肥大又飽滿，表面更有兩處白色好似眼晴嘅部位，相當之特別，帖文亦引起一眾網民嘅注意，紛紛回覆指呢一條綠色昆蟲既肥美之餘外觀又夠晒搞笑！
同場加映【家居達人】旅行移民留學注意！專家教揀喼10個必知
如何防止海關爆鎖、清潔要靠2個法寶、旅行爛喼賠償有秘訣！
============
外形奇特綠色昆蟲 更擁有「眼睛」
該網民就於Facebook群組「✿～香港種植樂園～✿」上載一張綠色昆蟲圖片，指自己於露台發現呢一隻綠色昆蟲，並形容其外形相當有卡通效果：「今早係(喺)露台見到佢地(哋)，肥嘟嘟，外形好有卡通效果」
外形奇特嘅綠色昆蟲圖片就引起眾多網民回應，有網民就指呢一條蟲肥美又得意：「可愛呀，肥嘟嘟」、「好肥大啊！真係好食好住！」、「咁大條，肥啫啫(嘟嘟)，好得意」，亦有網民認為其類似眼睛嘅部位相當搞笑：「好厭世對眼」、「佢個眼神好正，你睇我唔到，你睇我唔到」、「佢好似反白眼」、「對眼好好笑，好似emoji咁過癮」，更有網民形容為似《寵物小精靈》入面嘅小精靈咁：「好似未進化嘅寵物小精靈」
網民分享了一張外形獨特的綠色昆蟲圖片，獲一眾網民大讚其外形非常可愛，其「眼睛」部位亦令牠看起來非常有趣。
專家：該蟲為夾竹桃天蛾 會進食有毒植物
至於呢一條外形鬼馬嘅綠色昆蟲到底係咩昆蟲，撲滅牠滅蟲有限公司負責人任先生回覆記者查詢，指網民圖中嘅綠色昆蟲為屬於幼蟲形態的夾竹桃天蛾，由於牠會進食有毒的植物，於種有有毒性的植物盆栽之中會較容易發現其身影，雖不會主動攻擊人類，但會損害植物，建議若擔心植物受損可將其捉走或殺掉。而據資料顯示，幼蟲形態的夾竹桃天蛾其「眼睛」實為背板上擬眼大斑，具有嚇敵之用途。
滅蟲公司負責人任先生指網民圖中的綠色昆蟲是幼蟲形態的夾竹桃天蛾，以有毒的植物為主食，雖不會主動攻擊人類，但卻會損害植物。
text/Jonathan
photo/Candice Lee授權、itchydogimages
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
