對於香港嘅車主，搵泊車位的確係幾頭痛，尤其是想泊車過夜甚至係泊幾日……原來有時停車場嘅收費條款，有啲魔鬼細節，真係要問清楚同睇清楚，好似電視節目《東張西望》入面就有觀眾，喺九龍城一個停車場泊車過夜，起初以為收費只係$165，但點知最後埋單時停車場要收取$346，究竟古惑位喺邊度呢？
同場加映【家居達人】旅行移民留學注意！專家教揀喼10個必知
如何防止海關爆鎖、清潔要靠2個法寶、旅行爛喼賠償有秘訣！
============
事主陳先生（化名）話自己喺九龍城一個商場嘅停車場泊車過夜，睇見停車場入口嘅收費牌，寫住日泊優惠（8am-7:59pm）收費$95，夜泊優惠（8pm-7:59am），收費$70，事主以為泊24小時，即係收費$165，而節目入面亦將呢個收費牌畀幾位駕車人士睇，大家都異口同聲話即係收$165。陳生將車泊進停車場，幾日後攞車，點知收費係每日$346！
事主陳先生就係喺呢個九龍城商場嘅停車場泊車。
停車場入口嘅收費牌，係寫住寫住日泊（8am-7:59pm）收費優惠$95，夜泊（8pm-7:59am）收費優惠$70，咁泊一日，係咪應該係$165呢？
日泊與夜泊優惠不能同時使用！
陳生話停車場職員攞咗個收費牌出嚟，原來喺大大隻字嘅收費牌下面有一堆細字條款，其中一條講明：「日/夜泊車優惠：日泊與夜泊不能同時使用」、「日泊/夜泊只能使用一次及不能連續使用」，所以停車場嘅收費計法，就係當陳生使用咗夜泊優惠，即$70之後，日間嘅8am-7:59pm嘅12小時，就要用返正常嘅逐個小時收費，即每小時$23，結果每日收費即$70+$23X12=$346！各位駕車人士以後用停車場之前，真係要睇清楚同問清楚收費點樣計呀！
但原來收費牌下面有堆細字條款，寫明「日/夜泊車優惠：日泊與夜泊不能同時使用」。
結果停車場職員係畀咗陳生用夜泊優惠，其餘嘅日間時間，計返正價每小時$23。
text/joyce
photo/節目截圖、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
