洗衫晾衫基本上係每日必做嘅事情，一般都係將衣服扔進洗衣機，再將其晾乾。不過其實洗衫晾衫都有啲小秘訣，可以令衣服洗得更乾淨同快啲晾乾～
============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？
============
洗衫晾衫問題合集：
Q1:日頭定夜晚晾衫會快啲乾？
只要喺通風良好嘅地方，無論日頭定夜晚都冇問題，反而要注意衣物同衣物之間要留出空隙，保持適當嘅距離先可以令衣服快啲乾，而且唔會有噏味。
Q2:衣服反面洗定正面洗好？
要視乎衣服骯髒嘅位置，如果表面有沙塵或食物菜汁等污漬，最好正面清洗。如果要去除身上嘅污垢，比如汗漬、皮屑，最好將裏面翻出來。另外，反面洗令衣服嘅表面冇咁易因為洗滌時嘅摩擦而褪色或受損。
Q3:洗衣機可放滿嗎？
為咗慳時間、水電，唔少人都會儲滿一機衫先開洗衣機，但其實洗衣機最好只放7成容量，因為愈多衣物，需要滾筒擺動嘅幅度亦會愈大，加上濕衣服嘅重量容易令磨打負荷過重，導致機體耗損甚至縮短壽命！
Q4:洗完嘅衫有灰塵應該點做？
如果衣服口袋裏冇紙巾或其他雜物，好大可能係洗衣機裏面污糟，洗衣機嘅罅隙其實隱藏咗好多污垢同細菌，如果冇定期清潔的話等於用污水嚟洗衫。建議定期啟動洗衣機清潔模式，或使用洗衣機清潔劑。
Q5:洗完衫需要立即晾曬嗎?
都市人繁忙，有時洗完衫都冇留意，放置幾個鐘先拎出嚟。但其實洗衣機嘅濕度容令細菌滋生，隔幾個鐘嘅衫會有好大浸噏味，即使晾乾後都會有異味，所以最好係洗完衫嘅一個鐘內晾曬，否則建議重洗。
Text/ Bee
Source/ キジカク
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
