任職大學渣男交友apps識女背妻偷食 偷拍性愛片段一旦定罪究竟要坐幾多年？

同場加映【家居達人】旅行移民留學注意！專家教揀喼10個必知 
如何防止海關爆鎖、清潔要靠2個法寶、旅行爛喼賠償有秘訣！

============

來自國內嘅黃太經過調查，發現原來丈夫趁自己返回內地嘅時候，偷偷地開設另一手機號碼，上匿名交友社交媒體搵「獵物」，而「獵物」年齡由廿多歲至四十多歲，黃太發現丈夫手機入面，除咗至少有同十幾個女仔嘅親密合照外，仲有場地係自己同丈夫去年６月裝修後、荃灣愛巢嘅性愛片段！呢啲影片應該係黃生趁女士唔為意時偷拍，大部分都係影住女士嘅背部及私密部位，從其中一段片更可以睇到黃生將手機放喺衣櫃，預備偷拍，點知手機跌低咗，該位女士得以「逃過一劫」！黃太甚至聯絡過其中三位女士，佢哋都表示無同意過黃生任何拍片要求！而黃生隨後就搬走咗電腦，所以黃太掌握嘅證據不足。但黃太都話擔心黃生已經將性愛片段傳畀朋友分享，建議懷疑自己係「女主角」嘅女士，聯絡節目組。

黃太發現丈夫手機有大量女性親密相片，發現丈夫透過交友社交媒體偷食。

更震驚嘅發現，係有大量喺自己愛巢拍攝嘅疑似偷拍性愛片段。

黃太擔心黃生已經將性愛片段傳畀朋友分享，建議懷疑自己係偷怕影片「女主角」嘅女士，聯絡節目組。

偷拍罪成可被判入獄５年！
節目訪問咗陸偉雄大律師，佢表示刑事罪行條例前幾年經過修訂，如果無經過事主同意或罔顧事主同意而進行偷拍身體私密部分，一經定罪，事主係可以判入獄５年！黃太表示老公喺結婚後曾話過自己係個鍾意追尋新鮮感嘅人，其實唔適合結婚！而香港心理學會註冊臨床心理學家趙思雅就話，有啲男士有性上癮，由於有性沉溺，要不斷尋求新嘅性伴侶，透過性關係嚟得到滿足。另一類人士可能係有其他心理因素，例如自卑感或嫌自己性功能唔夠好，或者曾被人侮辱過，或者同自己性伴侶嘅性關係得唔到滿足，就可能會透過不同方法贏取「獵物」，同不同女士發生性關係，嚟得到滿足感。而呢類人士拍低嘅性愛相片或影片，除咗收藏，亦有機會同「同道中人」分享。

陸偉雄大律師表示刑事罪行條例前幾年經過修訂，未得對方同意偷拍身體私密部分，一經定罪，事主係可以判入獄５年！

香港心理學會註冊臨床心理學家趙思雅表示，有男士有性上癮，要不斷尋求新嘅性伴侶，透過性關係嚟得到滿足。

趙思雅表示呢類心理有問題人士拍低嘅性愛相片或影片，除咗收藏，亦有機會同「同道中人」分享。

text/Joyce
photo/節目截圖