對於屋企裝修，好多時都要用上唔少時間，但有冇諗過原來只要用一日時間就可以將屋企嘅浴室變成截然不同嘅樣貌呢？最近有網民就喺Facebook嘅一個家居群組上發文，分享自己點樣用一日時間將浴室大改造並附圖顯示成果，更獲多位網民回應大讚改造效果相當之好！
============
同場加映【家居達人】旅行移民留學注意！專家教揀喼10個必知
如何防止海關爆鎖、清潔要靠2個法寶、旅行爛喼賠償有秘訣！
============
以一日打造出雲石風格浴室 方法原來係貼防水牆紙
該網民於Facebook「家居裝修分享谷」上載數張屋企浴室分別於改造前及後嘅圖片，並表明自己僅僅用一日就將浴室改造成呢個效果：「大家有冇諗過，可以自己動手花一日時間，將屋企個洗手間改變風格？假天花同鏡櫃洗手盆(喺)香港搵師父整，其它裝飾係淘寶買㗎咋！」
至於如何只係用一日就令浴室風格有咁大嘅改變，該網民及後就補充指其實係貼上了於淘寶選購嘅防水牆紙：「貼防水浴室貼紙，其實好快」，對於以牆紙就能為浴室打造出截然不同嘅風格，有不少網民就留言大讚：「貼得好靚呀」、「好靚喎，好似重新裝修咁」、「貼得幾靚，睇圖唔覺係貼紙」、「妳真係貼得好靚！企缸中間深藍色貼紙畫龍點睛」
有網民分享自己用一日時間就將家中浴室的風格變得截然不同，並獲一眾網民大讚浴室於全新改造後非常漂亮。
↓↓ 一Click即睇！ ↓↓
點擊圖片放大
原來用一日就能將浴室的風格大改造的秘密是用上了防水牆紙。
浴室貼牆紙唔襟用？用耐咗仲會有蟲？
不過對於在浴室貼牆紙呢個做法，亦有網民留言指於浴室貼牆紙並唔耐用，使用一段時間過後更會有蟲，認為不應在浴室貼上牆紙：「唔襟用，得個睇」、「貼紙啊，話防水其實都唔係真正防水，日子耐左(咗)d(啲)拿(喇)就會有蟲，到你搣出嚟嘅時候一陣噏臭味，d(啲)膠去積(漬)又難去，最多半年你就會後悔，其他地方癡(黐)貼紙都唔緊要，但浴室真係唔好」
亦有網民留言擔心牆紙會有發霉嘅問題，樓主就補充回應指自己已用牆紙多年都並冇出現發霉嘅情況：「我整咗三年半，又真係冇發霉喎！我屋企都好潮濕㗎！相信好睇買嘅牆貼係咪適合浴室，同埋本身卷牆貼質地好唔好」
有網民指貼於浴室的牆紙並不耐用，日子過後更會長蟲，並且當要折除時更會有臭味及有膠漬殘留。
text/Jonathan
photo/Gloria Chow授權、淘寶
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
