好多人都試過因為樓上單位漏水，以致天花出現滲水，但經過管理處調停及小維修，可能都得以解決。但今次電視節目《東張西望》入面住大圍傳統豪宅嘅黃太，卻飽受樓上單位漏水嘅困擾長達15年，而家全個廚房都要用尼龍帆布包住，要喺客廳煮飯呀！15年間做過幾次大維修，已經花咗五、六十萬，甚至出過律師信，都解決唔到問題……今次節目組搵嚟驗樓師仔細幫黃太搵到爛天花問題嘅源頭，究竟幫唔幫到手呢？
============
同場加映【家居達人】旅行移民留學注意！專家教揀喼10個必知
如何防止海關爆鎖、清潔要靠2個法寶、旅行爛喼賠償有秘訣！
============================
事主黃太住喺大圍瑞峰花園低層單位，原來自從2007年，黃太就發現單位多處天花出現滲水，跟住15年嚟，天花都進行過五、六次大維修，至少已經用咗五、六十萬！最重災區係屋內三個廁所，反覆出現滲水問題，引致全屋嘅煤氣槽、電線槽先後損壞，甚至令全屋停電，令黃太一家生活非常困擾！
黃太屋企天花漏水，導致全個廚房都要用尼龍帆布蓋住。
其實早喺2009年，管理處都證實咗樓上單位漏水，本來對方肯負責維修費用，點知後來反悔，黃太將樓上單位及管理處告上法庭，最後由管理處出面和解，管理處負責廁所維修，但由於屋內鏽蝕而導致嘅電線維修，就要黃太自己負責，黃太雖然覺得唔公平，但見問題可以解決，黃太都鬆一口氣。
2009年黃太報告天花問題，結果管理處負責廁所維修，但由於屋內鏽蝕而導致嘅電線維修，就要黃太自己負責。
廁所天花跌石屎 管理處維修原來係豆腐渣工程
點知幾年後問題又嚟，而且更嚴重至廁所天花有一嚿直徑十多厘米嘅石屎跌落嚟！黃太再向管理處投訴及向樓上單位發律師信，但管理處話已上過樓上單位驗過樓，證實樓上無滲水，如果要進行訴訟，管理處就要黃太負責所有堂費及其他費用。
幾年後天花問題又出現，而且更嚴重至廁所天花有一嚿直徑十多厘米嘅石屎跌落嚟！
節目組搵嚟驗樓師賴達明進行驗樓，賴生認為呢個係一個明顯兼嚴重嘅滲漏個案，天花因長期滲水，所以造成石屎爆裂剝落兼鋼筋生鏽，廁所天花板8成範圍有剝落傾向，並有空鼓情形，建議暫時停用該廁所。同時賴生亦否定廁所天花剝落係因為沖涼時水蒸汽而造成，因為廁所有假天花，而當中嘅鋁版係會隔走水汽，加上廁所非黑廁，亦有抽氣扇可排走濕氣。總結賴生認為廁所天花嘅問題癥結，都係因為上層單位嘅地台防水層有破損，導致水進入石屎內，水向下滲，就會令鋼筋生鏽、膨脹甚至有迫爆情況。
節目組搵嚟驗樓師賴達明進行驗樓，認為天花因長期滲水，所以造成石屎爆裂剝落兼鋼筋生鏽，廁所天花板更有8成範圍有剝落傾向。
驗樓師認為因為廁所有假天花，而當中嘅鋁版係會隔走水汽，加上廁所非黑廁，亦有抽氣扇可排走濕氣。
驗樓另一個驚人發現，係之前委託管理處幫手維修天花嘅工人廁所及廚房，原來係豆腐渣工程，只係表面化粧，實際石屎批盪係會鬆脫嘅。節目組陪同黃太向管理處查詢，但管理處以有傳媒在場，拒絕回答黃太問題，但最終都係耍走節目組同黃太，話搵傳訊部跟進。事後管理公司否認維修工程有問題，而樓上單位亦無人回應。而黃太收到最新嘅滲水辦測試報告，話樓上主人房浴室地台的確有滲水問題，究竟最後黃太係咪可以順利解決問題呢？
驗樓另一個驚人發現，係之前委託管理處幫手維修天花嘅工人廁所及廚房，原來係豆腐渣工程，實際石屎批盪係會鬆脫嘅。
事後管理公司否認維修工程有問題，而樓上單位亦無人回應。而黃太收到最新嘅滲水辦測試報告，話樓上主人房浴室地台的確有滲水問題，究竟最後黃太係咪可以順利解決問題呢？
text/Joyce
photo/節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
