迪士尼暑假推出「貼錢打工體驗」 連住宿$4286起!網民︰放假仲要為迪士尼免費效力?

文: 黃樂恩
2023.05.12

東京迪士尼最近推出「貼錢打工體驗」的旅遊套票,最平$4286起就可以入園暢玩、在迪士尼酒店留宿,並穿上迪士尼員工制服、體會迪士尼清潔工人的感覺。該活動在網上引起熱論,部分網民認為東京迪士尼有商業頭腦,紛紛留言表示「唔駛出錢請人仲要有收入」、「放假仲要為迪士尼免費效力」,即入內文睇詳情啦!

今個暑假,東京迪士尼推出「カストーディアルキャスト体験付き 2 Days」的2日1夜旅遊套票,價錢由日元$73,700至$142,100不等(港幣約$4,286-$8,263),讓4至12歲(小學生以下)的遊客在樂園暢玩、在迪士尼酒店留宿之餘,又可以穿上跟真實清潔工人一樣的制服,學習如何做好迪士尼員工、體驗掃地等工作,活動結束後,東京迪士尼更會頒發紀念獎章並合影留念。翻查資料,其實東京迪士尼以往亦有推出過相關體驗活動,過去3年因新型肺炎疫情影響,該體驗活動才會一度停辦。

該活動在本港Facebook群組「我真係好鍾意迪士尼資訊分享群」引起熱論,網民反應兩極,有人認為東京迪士尼相當有商業頭腦,「呢個計劃幾犀利,唔駛出錢請人仲要有收入,間中有清潔外援」、「合法聘請童工」、「放假仲要為迪士尼免費效力」、「掂!咁都比佢地想到」。不過也有網民認為該活動具有一定的吸引力,可以培養小朋友的衛生意識之餘,對小朋友來說也是一個很特別的體驗。

雖然香港迪士尼目前未有相關打工體驗,不過大家也不用太失望,香港迪士尼最近積極招聘全職、兼職職位,將於5月9日起舉行多個招聘活動,想入迪士尼打工體驗的朋友可以睇睇啦!

現時香港迪士尼全職初級職位起薪點連交通津貼每月約$15,000至$20,000不等,較去年6月加薪5.6%至11%,員工福利包括免費使用DISNEY+服務、迪士尼樂園免費入場、園內以及酒店住宿消費折扣等,而且部分全職職位更設有$3,000至$6,000入職津貼。至於兼職時薪約$73至$100, 同樣設有交通津貼。

來源:Tokyo Disney ResortFB@我真係好鍾意迪士尼資訊分享群Disney CareersHKET

同場加映:【衝出嚟玩】日間船P散團出海玩足7小時!夾船單人報名都得!中環出發/包三餐/酒水任飲

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓