ViuTV大型偶像育成節目《全民造星5》今晚（15日）9時30分隆重首播，過往四季廣受觀眾歡迎，成就了MIRROR、ERROR、COLLAR及P1X3L等人氣組合，一度掀起追星熱潮。來到最新一輯第五輯，Lokman、AK、肥仔、Dee就衝出亞洲，遠赴加拿大、馬來西亞等地發掘造星之材。
《全民造星V》第一集有Lokman、AK走遍加拿大大街小巷，甚至上到雪山，成功覓得幾位極具潛質的男孩參與面試。另一邊廂，肥仔、Dee想了一條屎橋，係商場舉辦了一場假的姜濤見面會，希望能吸引人流，引起別人注意。二人更化身｢全尼｣、｢肥濤｣現身，令全場觀眾哭笑不得，憤怒不已。好彩二人即場表現跳舞，又與觀眾合照親名，任影唔嬲，令大家開開心心完場。二人繼續馬不停蹄，到訪不同場所包括舞蹈學院、模特兒學校、大學學院尋找人才。
香港賽區同樣蓄勢待發，花姐搵黎四位導師陳健安、Jay Fung、陳蕾、韋羅莎會面傾計，深入了解他們作為導師的睇法及感受。安仔表示自己是母愛型導師，會擔任陪伴者的角色，陪伴參賽者們發現自己的好，盡力發揮、發掘，好似媽咪般保護他們、照顧他們。花姐則擔心陳蕾會比較主觀，容易出現偏心的狀況。
陳蕾稱其實每個人都有某種主觀，係冇辦法拎走，但會盡量保持客觀，就看看自己的喜好是否能迎合觀眾的喜好。而花姐形容Rosa個性豪邁，Rosa指自己一向有嗰句講嗰句，但唔想做衰人，但係節目內都會講真話，但希望唔好太過分。
花姐最後取笑Jay Fung為人太斯文、太nice，睇死Jay Fung難以管教參賽者，唔識鬧人。Jay Fung更即場示範鬧人，令全場大笑。Jay Fung指自己要成長，學識表達自己，自己有好多嘢喺入邊都想拎出嚟，好想幫到參賽者。
而花姐亦有於節目內解釋自己為何退出監製一位，今次擔任總顧問，又分享之前擔任前四屆監製的感受。在鏡頭前一度哽咽的花姐就直言「呢個節目已經對我冇意義」 ，表示《造星》第一輯創造了MIRROR同ERROR，去到《造星II》也是為了MIRROR；去到《造星III》已冒出了「做咩呢？為咗咩嘢？」的問號；去到《造星IV》是為了創造COLLAR，但其實「唔係好投入到」，場面感慨。
圖片來源：ViuTV
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
