成日聽人講，檐蛇（四腳蛇）是「益蟲」（其實不是蟲，是爬蟲類動物），因為它會幫大家吃掉曱甴、蚊、蟻等害蟲。不過，它的樣子頗為可怕，而且成日失驚無神出現，突然會從門隙、櫃後、牆角露面，經常被嚇親！雖然「有益」，但盡量都不想跟它做同居密友，都唔敢殺死它！Mirror的Alton、人氣作曲人及監製徐浩，上星期分別於IG表示屋企出現檐蛇，求大家提供解決方法！究竟有甚麼方法可以避免它成為你家中的一份子呢？
============
同場加映：
【家居達人】$12店煮食小幫手 超慳時間＋一物多用！
============
Alton@Mirror 屋企發現手掌咁大條檐蛇
雖然Alton常常在Youtube直播打機，但卻很少玩IG。不過上星期夜晚突然連續出了幾個IG story，原來是屋企發現檐蛇，更震驚地表示「好似手掌咁大」！他用膠箱把檐蛇困起來，被向fans求救處理方法，但表示絕對不會殺死它！翌日，他於IG story update了事態發展：「最後，我打開咗個盒，佢無走，我就話：你鍾意啦，希望你住得舒適，但唔好搞到我，得唔得先？我相信佢一定聽唔明我嘅語言，但應該get到我個意思（氣場）！跟住成晚都喺度，但我瞓醒佢就唔見咗喇！」
Mirror、MC御用監製變檐蛇「剷屎官」！徐浩誓要消滅檐蛇：「我要殺佢xxx !!!」
人氣作曲人徐浩徐浩（Terry），近年有很多得獎金曲，作品包括MC的《記憶棉》及《小心地滑》、Anson Lo的《永順街39號》、Mirror的《We All Are》，他更是Mirror演唱會的監製，台上的他又chok又有型，台下竟變成檐蛇「剷屎官」！上星期某一晚他於IG story寫：「我每日除咗寫歌，錄音，同埋Mixing之外，就係趙四腳蛇執屎！我已經由恐懼變成憤怒！求徹底消滅四腳蛇方法！我要殺佢xxx !!!」
翌日他再次出story，相中有條檐蛇在窗簾上，他寫著：「日頭都出嚟係想點啊？」再隔了幾日，他似乎真的進行了「殺佢xxx」的消滅四腳蛇行動！雖然未知成功與否，但似乎他家的檐蛇無Alton家那條咁好彩！
到底發生過什麼事它會出現？
兩位音樂人都先後被檐蛇困擾，我們試試幫手解決吧！首先，要唱返首《到底發生過什麼事》先！要先了解它為什麼會出現？原來，好簡單，就是為了覓食！據調查所得，絕大部分有檐蛇的屋企，都會有曱甴！愈多檐蛇就代表愈多曱甴，因為要有充足的糧食！（係咪更驚呢？）但絕對無理由去養一兩條檐蛇來幫你食屋企的曱甴！而夏天非常潮濕，易滋生蚊蟲，所以吸引更多檐蛇出現覓食！
如何趕走檐蛇？
畢竟檐蛇是有益的生物，雖然一般的殺蟲劑都可以把它殺死，但還是人道一點，先從預防方法入手：
- 最佳的方法，是「斷糧」！好好清潔家居，減少蚊蟲滋生，有曱甴的話，就盡量把它們殺死，檐蛇自然會另找地方覓食！（大家都不想見到小強的寫真吧？因此以圖代之！）
- 檐蛇很怕「重口味」！可以將一粒粒的蒜頭或切半的洋䓤，放於檐蛇出沒的地方，它們聞到味道，就會自然避開。
- 檐蛇喜歡溫暖、潮濕、陰暗的地方，所以要盡量將屋企製造成一個它們不喜歡的環境！盡量不要堆積報紙雜誌，避免製造很多窿窿罅罅讓它們可以躲起來，太潮濕的話就要開抽濕機，保持乾爽。
text/ Katty
photo/ IG@altonwongz、IG@terrychui22、Irasutoya、AC Photo、Unsplash
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
