網民熱議：將單位出租畀咩類型嘅租客最好？ 租畀公務員最低風險？長者、大學生都要避免？

============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？

============

公務員係首選？收入穩定先最緊要？
該網民於連登討論區以「[租務旺季] 大家揀靚租客有咩心得」為題發文，問到挑選優質租客嘅心得，以及應避免出租予從事甚麼職業嘅人以保障自己：「又黎(嚟)一年一度租務旺季，又係時候update下(吓)份租約，幫輕下(吓)加息負擔，各位業主有咩揀靚仔靚租客心得？有咩職業一定唔會租？點樣保障自己？」

對於出租畀咩類型嘅租客會較好，有不少網民都指租給公務員會最為穩妥：「老老實實公務員先最冇風險」、「玩左(咗)廿年，係租俾有公務員家庭最安全」、「係囉，公務員先係首選，有咩事幹佢驚過你」，有網民則認為最重要是出租給擁有穩定職業及收入嘅人士：「最緊要有穩定職業同收入」

公務員獲不少網民大讚為最佳的租客。

有網民指出租給有穩定職業及收入的租客才是最重要。

應出租予高學歷及專業人士、內地研究生？
除公務員外，有網民認為出租予專業人士及具有高學歷背景嘅人亦較好：「專業人士，老師、醫護、大公司職員呢類」、「30歲，高學歷，大公司，夫婦/情侶」，另網民指將單位租畀來自中國內地嘅研究生都係一個唔錯嘅選擇：「研究生果(嗰)啲ok，佢地(哋)花好多時間research，做paper，讀書，少啲機會變party house，但亦有算北方果(嗰)啲鐘意食辣，好大油煙，如果open kitchen就唔好」

老師、醫生、護士等具高等學歷的專業人士亦是網民認為相對上會是較好的租客。

有網民則指來自內地的研究生會非常專注學業，亦是較為優質的租客。

長者、寵主、幼兒家庭都要避免？就連大學生都唔好？
至於應避免出租給邊一啲類型嘅租客方面，有網民就認為長者、寵主以及育有幼兒嘅家庭都要避免：「養寵物同老人家一定唔租」、「老人一定ban，建議租30歲左右couple，有小朋友有寵物都唔x租」、「(寵主)最好唔好，你唔知佢打理成點，我聽過啲貓味食晒入冷氣(機)同牆，牆、門都有爪痕，收番(返)間屋一陣味，開窗、噴野(嘢)全部都唔掂」、「中年夫婦+中學生最好，太細果(嗰)啲坐住架車仔周圍撞，用顏色筆周圍畫牆，貼紙周圍貼，掟玩具，有同小朋友相處過就明」，更有網民指大學生其實都應要避免：「大學生都高風險啦，大家讀u(University)都明，唔洗碗唔倒垃圾唔掃地係基本，仲有帶fd(Friend)開p(Party)，間屋實好亂」

長者、寵主及幼兒家庭都被網民列為屬不應將單位出租給的對象。

有網民指大學生缺乏衛生之餘更會帶朋友回家舉辦派對，導致單位會非常凌亂，是屬於高風險的租客。

text/Jonathan
photo/HKET圖片庫