今次帶大家北上行 MUJI ！可能大家會諗香港都有啦，做乜要返大陸行？眾所周知內地商店普遍比香港大，而深業上城店作為深圳第二大的旗艦店（本月開幕的萬象城店已成為第一大，但前者仍是公認最好逛最齊全的店。），集 MUJI HOTEL、MUJI DINER、MUJI 購物於一身，貨品齊全超好行，行到攰仲可以坐低食嘢，的確比香港優勝，一於睇吓內地有咩高人氣商品啦！
============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？
============
全店共有兩層，一層是生活家居用品、書店和餐廳，一層是服裝、美容保養以及Muji Yourself。
Menu 價錢約一百元人民幣，相對比較貴，日式定食、壽喜燒、軟雪糕、杯裝雪糕等都係人氣之選。
深圳店空間超大，有啲區域特登佈置得像展覽，因此唔少人會邊逛邊打卡。
香港嘅無印較少寵物用品，這間店有一個區域專賣，寵物衫、床、玩具等應有盡有，有養毛孩嘅朋友不妨行下！
超高人氣的 DIY 客製刺繡區，香港只有九龍灣店有，這間旗艦店超多圖案選擇，每一個只需 10 元人民幣，可任意印在布袋上，打造獨一無二的包包。需時一小時左右，建議一去到立刻選圖，等待期間可以慢慢逛其他區域，再唔係亦可以加錢順豐送貨。
↓↓ 一Click即睇好物推介 ↓↓
1. 便攜式直髮夾 298 元人民幣起（約 336 港幣）：女生外遊必備！雖然市面上有唔少平價迷你直髮夾，但電器類都係揀返有牌除嘅比較有保證！操作簡單，最大賣點係小巧輕身，只有文具袋般大細，方便攜帶。另亦有網友建議長髮厚髮的女生不要入手，因為發熱板偏小，比較啱用嚟夾瀏海或短髮女生。
2. 手機配件系列 28 元人民幣起（約 32 港幣）：內地 Muji 限定的手機掛繩、手機殼以及手機掛包系列，多種顏色及款式任君選擇，價錢超實惠，買多幾條得閒換色都抵玩！
3. 無線降噪藍芽耳機 498 元人民幣（約 561 港幣）：外型一貫無印極簡設計，具 ANC 主動降噪功能，2 種佩戴方法（不少網友不喜歡掛繩），有人認為音質與 AirPods 差不多，降噪功能則 Apple 略勝，但以這價格來說 CP 值算不錯的！
4. 網繩袋 38 元人民幣起（約 43 港幣）：又一小紅書上爆紅的平價好物！有分大中小 size 的日系網繩袋，收納方便得嚟容量又大，而且好易襯衫，最平 40 蚊有找，值得入手！
用嚟襯衫真係唔錯，簡約易襯又不失時尚感，配搭無印素色系恤衫或亞麻系列已經好好睇，難怪咁多人力推！
5. 小白鞋 348 元人民幣（約 392 港幣）：無印小白鞋出名好著又抵買就人人都知，小編自己都買過幾對，真心大推！呢款新出嘅白鞋偏波鞋款，加了軟墊底，價錢自然貴少少，網友分享推出不久己斷碼，穿上舒適輕身，對得住價格，另有黑色亦經常斷碼。
6. 降暑冰圈 98 元人民幣（約 110 港幣）：夏天必備新產品，唔少人都喺小紅書分享用後感，除咗價格比其他平價淘寶貨貴了一點之外，實用程度其實相當不錯。不用放雪櫃，28 度下會自然凝固，使用方便。
7. 亮澤唇膏 68 元人民幣（約 77 港幣）：號稱斷貨王嘅無印唇膏系列，因為上嘴自然有光澤又唔會太乾被一眾小資女推爆，玫瑰棕色更加係可遇不可求！
【INFO】
無印良品深業上城店
地址：深圳市福田區深業上城南區一期二層
交通：地鐵 10 號線冬瓜岭 E 出口
營業時間：10am-10pm
Text/Circle
Photo/小紅書
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
