的士司機找上面寫滿字的20蚊紙幣 女乘客拒收引罵戰！司機竟然打999！究竟有無權唔收？

============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？

============

片段開始，見到一張寫滿字的20蚊紙幣，女乘客不滿：「一張寫晒字嘅（銀紙）畀我？我同你講，呢張嘢我唔要，你同換（另）一張畀我！」但的士司機反問：「關我咩事？又唔係我寫落去！」更指女乘客「強詞奪理」！女乘客表示：「你找畀我喎，我梗係唔接受啦！」司機挑釁：「你唔接受咪報警囉！」女乘客問：：「你報定我報呀？」司機大聲說：「我報！」

之後鏡頭影著司機的背面，他拿著電話，影片中傳來了聲音：「呢度係999緊急熱線，現時線路...」之後女乘客大罵：「呢張20蚊，係你啱啱找畀我，我有權唔接受呢張20蚊！」司機亦理直氣壯地回應：「首先一樣嘢，你有無權唔接，係無法律依據嘅... 唔好話你有權！」

雙方繼續各執一詞，司機亦表示：「而家報緊警，放心！」之後再罵女乘客「無理取鬧」！女乘客更加忿怒：「咩無理取鬧？寫晒張紙，我梗係有權唔耍啦！」司機亦提高聲調：「你係無權拒絕接受呢張銀紙，呢個係法律規定！你畀邊條法律話畀我知，你有權唔接受呢張銀紙？第幾條法律？第幾條嘢吖？無吖嘛！」此時片段停止。

乘客有無權拒收？

雖然，沒有法例保護任何人拒收畫花了的紙幣，但同時亦無法例迫任何人必定要收下畫花了的紙幣！司機可以拿去發鈔銀行更換，銀行會按既定嘅準則來驗證真偽及損毀程度，如果無太大問題，一般而言銀行都會換回新紙幣給市民。

網民又點睇？

有眼利的網民睇到紙幣上寫著「樂信咳水1 得果定橙味1 廁紙1卷」！亦有網民覺得的士司機「浪費自已時間，換張20元俾人，開車走多轉好過啦。同埋香港人鬧親交都法律超人上身，係咪真係個個都咁熟法律呢！」更有網民覺得要有同理心，「乘客收到畫花嘅鈔票後，根本其他商戶唔會收嘅時候，絕對可以拒絕。佢可以反問的士佬: 你覺得無問題咪留嚟自己用囉」！

text/ Katty
photo/ Youtube截圖