邊間公立醫院急症室輪候時間最耐？ 點樣check即時非緊急病人等候時間？ 去便利店都可以繳付急症室費用？

============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？

============

為咗令到達急症室嘅病人得到最有效率嘅診治，分流護士會根據病情將病人分為危殆、危急、緊急、次緊急及非緊急而決定處理先後次序，並非根據病人到達急症室嘅時間先後。而醫管局訂立嘅服務目標，就係即時診治「危殆」組別，在15分鐘內處理95%嘅危急組別病人，在30分鐘內處理90%嘅緊急組別病人，但對於非緊急嘅病人，可能需要等候較長時間。醫管局網頁係會公布統計過去數小時非緊急組別病人嘅最長等候時間供參考（並非現時預計等候時間），可參考https://www.ha.org.hk/visitor/ha_visitor_index.asp?Content_ID=235504&Lang=CHIB5，最長等候時間顯示上限為8小時，表示急症室正處理大量等候已久嘅病人，如果病況輕微嘅病人，可考慮使用私營醫療服務。

急症室護士係會根據病人情況而分為危殆、危急、緊急、次緊急及非緊急而決定處理先後次序，並非根據病人到達急症室嘅時間。

而最近流感及新冠肺炎疫情有升溫趨勢，以5月18日3:15pm嘅公布，港島區嘅東區尤德夫人那打素醫院及荃灣仁濟醫院嘅急症室，等候時間均超過8小時。

政府亦於昨日公布了過去三年，急症室服務各個別分流類別嘅平均輪候時間（截至2023年3月31日），以2023年為例，危殆類別病人等候時間為0分鐘，危緊類別為8分鐘，緊急類別為26分鐘，次緊急類別病人則需等候124分鐘，非緊急類別病人更需等候158分鐘。

急症室收費幾多？
首先要睇吓閣下係咪「符合資格人士」：
1.香港身份證持有人：香港永久性居民身份證或有效的香港居民身份證
2.11歲以下兒童：香港兒童身份證; 或顯示病人香港永久居留之身分為"確定"的出生證明書; 或病人之有效香港入境 / 居留證明書
3.未滿42天的初生嬰兒：顯示病人於香港出生的醫院文件；及病人父/母之香港身份證或其中華人民共和國政府所發出之有效身分 / 旅遊證明文件。如父/母非香港永久居民，需帶同以証實其香港居留權之文件

若不符合以上其中一項條件人士，即屬「不符合資格人士」，至於使用急症室每次診症收費，「符合資格人士」為180港元，「不符合資格人士」為1,230港元。

持有有效香港居民身份證人士，每次使用急症室診症收費為180港元。

可以點樣畀急症室費用？
1. 親自付款
a)繳費處/會計部
可於辦公時間內往醫院管理局轄下醫院嘅繳費處/會計部以支票、現金、「易辦事」、「八達通」、信用卡（VISA、MasterCard、銀聯卡、JCB）或電子錢包（支付寶、AlipayHK、微信支付、WeChat Pay HK）付款。於繳費處/會計部辦公時間以外，請前往醫院急症室登記處付款（長洲醫院除外）。

b)「一站式電子服務站」
亦可利用設置於醫院內「一站式電子服務站」（電子服務站）以「八達通」、信用卡（VISA、MasterCard）、或電子錢包（支付寶、AlipayHK、微信支付、WeChat Pay HK）自助付款。「八達通」及信用卡每次交易最高付款額分別為港幣3,000元和1,000元。

2. 郵遞
請將劃線支票、匯票或本票，寄往賬單左下角所示地址的繳費處/會計部收。抬頭請註明「醫院管理局」。請在支票、匯票或本票背頁寫上病人姓名及賬單編號/尚欠款項結單編號，並預留足夠郵遞時間。切勿郵寄現金。

3. 「轉數快」
閣下可使用支援「轉數快」二維碼嘅銀行或儲值支付工具營運商的流動應用程式，掃描列印於賬單或尚欠款項結單上的「轉數快」二維碼，便能繳費。

4. 網上銀行服務 / 手機應用程式
閣下可使用銀行提供的網上理財服務或下載醫院管理局手機應用程式「HA Go」繳費。

5. 「繳費靈」
於「繳費靈」終端機開立戶口後，閣下可致電18033或登入網頁www.ppshk.com繳付費用。醫院管理局「繳費靈」商戶編號：83。每個賬戶號碼每日最多只能繳交三次。

6. 銀行自動櫃員機
用任何銀通成員銀行之提款卡或附有提款功能之信用卡，到任何貼有「繳費易」標誌嘅櫃員機繳費，醫院管理局「繳費易」櫃員機商戶編號：9083（賬類: 01）

7. 於7-Eleven便利店以現金繳費
閣下可攜同賬單/尚欠款項結單於全港各7-Eleven便利店繳費。每次交易最高付款額為港幣5,000元。

【INFO】
醫管局急症室服務
參考網址：https://www.ha.org.hk/visitor/ha_visitor_index.asp?Content_ID=10051&Lang=CHIB5&Dimension=100&Ver=HTML

text/Joyce
photo/HKET圖片庫