未到暑假天氣已經開始熱啦，相信大家都陸續拎返部風扇出嚟用。不過風扇擺咗成個冬天冇用封哂塵之餘，吹出嚟嘅風竟然一啲都唔涼！究竟係壞咗定係有其他問題呢？我哋一於向專家請教吓風扇有咩清潔同保養小貼士啦～
1. 家用風扇主要分為舊式及新式，舊式風扇帶有風葉，需要裝拆先可以進行清潔，比較麻煩，加上風扇外蓋有罅縫，小朋友容易伸手入去，存在安全隱患。而新式風扇冇風葉， 相對地安全同埋清潔方便。
2. 風扇最常見狀況：唔涼／冇風
無葉風扇用耐咗，裏面嘅濾網便會積塵，如果冇更換濾網，就會導致風弱，即使開到最大風，吹出嚟嘅風都係唔涼或者冇乜風，只需要更換濾網就可以解決到風弱問題。
3. 風扇其他狀況：唔識轉動／開唔到機
有機會出現風扇有風出，唔識搖擺或轉動。最嚴重嘅問題就係開唔到機，成部機冇哂反應。不過呢類問題牽涉到電壓安全問題，所以不建議自行維修。
4. 更換濾網步驟
通常風扇旁邊都會有個按鈕，㩒住就可以將上面嘅部分甩出嚟，然後更換裏面個濾網。
5. 濾網係屬於消耗性及一次性物品，唔能夠用水清洗，亦唔可以抹走表面啲塵就當新嘅咁去用。
6. 濾網要幾耐換一次？
一般家庭大約兩年換一次，如果有養寵物或有吸煙習慣就要換得頻密啲，大約一年或半年換一次。
7. 常見問題1：長開風扇至過夜會唔會過熱或易壞？
一把普通嘅風扇原則上嘅電流係比較細，其實長開唔會有太大問題。但如果風扇有暖風功能，當冬天要開暖風，就建議唔好長開，唔好開超過一個鐘就會安全啲。
8. 常見問題2：有葉定冇葉風扇大風啲呢？
其實大風與否同有冇風葉係冇直接關係，最主要睇返風扇設計同摩打轉速，能唔能夠提供一個強力嘅抽風效果。
【INFO】
Battery-hk電池男
地址：深水埗福華街福仁電腦商場1樓42鋪
電話：9777 9874
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
