王菀之音樂會2023|Ivana一連6場沉浸式藝術音樂會開鑼!觀眾零距離邊歎啤酒chill住聽歌

文: 王庭芝
2023.05.19

王菀之《The Pink Canvas Exhibition Concert粉紅畫布藝術展音樂會》昨晚(18日)於西九自由空間展開一連六場演出,不單是觀眾第一次感受這種沉浸式藝術演出,Ivana自己也是首次嘗試,更第一次拿著手功啤台上唱歌,並同觀眾一齊飲杯,現場氣氛又Chill又歡樂。而且為了觀眾體驗良好及舒適,Ivana限定人數入場位觀眾,如此沉浸式欣賞音樂會,既舒適又不太擠湧,相信很多觀眾都第一次體驗及感受。

Ivana的《The Pink Canvas Exhibition Concert粉紅畫布藝術展音樂會》內容有擴大版的標籤藝術展示,樓下鏡的裝置藝術,可以把每一位觀眾幻化為神奇俠及不造形,透過反映另一個不為你知的你,由AI技術識別出來的你,從而希望帶引觀眾思考,樓上亦有以霓虹光管藝術裝置的光影展示,睇完後光影閃動後,殘留每個觀眾眼中的影像,彰顯著標籤文化每日強印於我們腦中,影響著我們的生活及思想,人不應該被定義。而場內,亦展示很多Ivana的畫作及影像 ,「肥波兔」畫作更以動畫展現,非常可愛生動,讓歌迷拍照打卡不停。隨此之外,觀眾於展覽會場上,亦可以飲咖啡、飲啤酒,及嘗試薰衣草及玫瑰花cocktail,非常自由及 CHILL。

演出分作上下兩部份,每次演出,大會都會有廣播召集觀眾進入黑盒,第一部份她以感恩文化為題,選唱了《Love Has It All》、《⼩俠》、《突然⼀⽣⼈》、新歌《Shattered》、《如⼀》,與觀眾幾乎是零矩離,加上現場光影藝術及超靚音響,每粒音都震入觀眾毛囊,非常震憾。由其自彈自唱兩首英文歌時,大家圍著她,幾乎是坐於她身邊聽著她彈唱,如此級數歌手,以這表演形式及出現,應該是史無前例。第二部份Ivana繼續提示大家標籤文化對人生活影響及意義,選唱了《⽔百合》、《該死的快樂》、《 我來⾃⽕星》、《我們他們》、《The Pink room》、《沉默的⼠⾼》等歌曲,跟現場觀眾一同共舞,走從人群之中,望住歌迷巡迴遊走地唱,《沉默的⼠⾼》時, Ivana更拿著手功啤上台邊飲邊唱,又同觀眾乾杯,又開心又歡樂又 Chill。

台上,Ivana有時叫歌迷坐係地下、又搞笑叫大家「其實你可以合上眼『睇』這場騷,呢個音響唔係講玩笑」觀眾拍掌歡呼大笑。「其實我係希望大家好放鬆狀態咁去欣賞,好少有音樂會會聽到這個咁正音響。」而昨晚第一套演出服裝,上面畫滿肥波兔及花花的白裙,更是Ivana親手畫上去,單是畫這條裙就畫了兩個鐘,觀眾都大叫「好靚呀」,演出當中她除去銀色大外衣時,搞笑表示:「除左件羽絨,其實入面都重係羽絨......」不過觀眾就話「好瘦呀你」Ivana笑道:「聽到呀,有人話好瘦,有人話喂瘦左,哈哈......ok 啦。」

一向對陌生人怕醜的Ivana,演出過後表示:「其實我係好怕醜,咁近對住觀眾都係第一次,我以為我會好緊張,但係咦......又冇喎,加埋個場燈、聲、設計等等都係好有形,所以好開心,演出中令我諗返起初出道之前,唱創人個陣,都係周圍咁去分享自己音樂,個時同觀眾距離都係好近,個種親密感覺好好。我想同觀眾講,希望佢地多d 時間去欣賞下成個會場的展示,因為掛住聽我唱歌,掛住係檯邊罷位,都唔夠時間去睇我d肥波兔畫同動畫,我唱完之後,佢地可以繼續留係到慢慢欣賞。」

 

來源:主辦單位提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓