香港出名樓價貴，不少人都為了住屋問題而煩惱！近年本港不時出現廁所劏房、棺材劏房、太空艙等千奇百怪的租盤，早前馬鞍山新港城更出現「內地民工宿舍」，竟然有業主將一個330呎的單位分成5張碌架床出租，提供至少10個碌架床位，每個床位叫價$2,000起，而且更列名只限女生居住，引起不少網民熱議，即入內文睇睇啦！
最近有業主在網上樓盤網「28Hse」放租，將一個330呎的狹窄單位，塞滿5張碌架床，提供至少十個碌架床位。從放租網頁的資料顯示，該單位位於馬鞍山新港城P座高層，面積約330方呎，屋苑樓齡27年，屬兩房一廳一廚一廁的單位，擁有開揚海景。
點擊圖片放大
從照片中可見，該單位裝修以簡單為主，業主分別在兩間睡房以及客廳放置5張舊式金屬碌架床，合共提供10至12個床位，而廚房則設有雪櫃、小型煮食電器等。現時每個床位月租為$2,200，業主列明「女士限定」，只限女生居住，而且更表明若預繳一年租金可獲9折優惠，全年預繳租金為$23,760，平均每月租金不用$2,000有找，租金已包差餉地租、管理費、水電和煤氣費。
該租盤一出，隨即在網上引起熱議，不少網民批評業主不道德，直言一間屋只得一個廁所，「排隊去廁所都要成粒鐘」。另外亦有網民認為其居住環境欠佳，330呎單位中只放置5張碌架床，就連置物櫃、餐桌空間都沒有，「監獄黎架?」、「睇佢個款連櫃都冇，即係點呀？ 私人嘢擺喺邊！」、「2023年仲玩籠屋」、「有10個人住就$20,000」。
同場加映：【衝出嚟玩】葵盛11米高戶外歷奇樂園！22個刺激關卡/全港獨有蜥蝪牆/60米空中飛索
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
