網民熱議：裝修20多年舊樓要唔要換埋食水喉？ 若非銅喉就一定要換？住落再要更換就會好麻煩？

============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？

============

應要更換舊喉？因可能會有漏水風險？
該名網民於Facebook「家居裝修分享谷」發文，問單位已使用20幾年嘅食水銅喉於裝修時應否一併更換：「求意見，二手樓二十幾年樓齡，食水銅喉上手冇換過，新裝修應唔應該全爆換水喉？係咪要由走廊開始換晒？Edit: 原裝銅喉，私樓」。對於應否更換食水喉，有網民就擔心舊喉管可能會有漏水嘅風險，建議應該將食水喉一併更換：「估計你係大裝修後自住，就建議換埋。無人可以擔保你裝修好舊喉會唔會漏水，如果日後漏就麻煩」、「不但要換，而且要找個有信譽之水喉匠，若水喉質量不好，十年後在牆內某處漏水便會流至下一層，我就給樓上害過，搞足幾年」

有網民指舊水喉管可能存有漏水的風險，建議應將舊食水喉更換，並需找個信譽優良的水喉匠更換高質素的水喉，以防日後水喉會出現漏水問題。

裝修預算充足應更換？入伙後再換水喉會好麻煩？
亦有網民認為喺預算充足嘅情況下，應於入伙前將食水喉更換，否則將來入住後再更換就會較為麻煩：「不過如果真係大裝修，資金又足夠，都建議換，因為唔係住一排又話要整就麻煩」、「趁你未入伙，有資金就換啦。住落先換，又要起個(過)晒啲裝修，又要搵地方短住」、「資金充裕就換，唔夠就用住先，咁當然梗係建議你換，分分鐘你又住返二三十年既(嘅)時候，有問題再換就大工程」

網民指當單位完成裝修並入住後，再要更換水喉便會非常麻煩，皆時需再重新裝修並要找地方暫住，建議若預算充足可將食水喉一併更換。

銅喉可以唔換都得？會唔會漏水同新舊無關？
而有網民就指若食水喉為銅喉就未必一定要換，但若為其他金屬材質就必需更換：「本身係銅喉就唔一定要換，除非你爆哂廁所廚房瓦」、「本身銅喉可不用換。如果要全爆有可能被破壞才需要更換」、「鍍鋅鐵喉就換，通常牙位開始有鏽」、「簡單決定：鐵喉唔駛(使)諗就一定換。有錢一定換。無錢就淨換室內」，有網民就更解釋因銅喉正常並唔會有鏽蝕嘅問題，而且會否漏水與新舊無關，所以可繼續使用舊有嘅食水銅喉：「銅喉就可換可不換。銅喉正常不會鏽蝕，所以不會有水質污染問題。至於用舊左(咗)的銅喉會否較新造易漏，答案是無乜關係。好睇當初師傳手工和心機。有時新造喉手工和走位差反而易漏水」

另外有部份網民亦建議可加裝濾水器以代替更換食水喉：「住幾年就唔好攪(搞)，加多兩個四連環過濾無咁煩」、「裝多幾個靓(靚)的濾水(器)好過喇」

有網民認為除銅喉以外，其他如鍍、鋅、鐵等金屬的食水喉管都應要更換。

網民亦表示銅喉會否漏水取決於安裝時師傳的手工，與喉管的新舊程度並無關。

有網民則建議加裝濾水器會比起更換食水喉更好更方便。

text/Jonathan
photo/HKET圖片庫