上樓入屋呃老人家買不明濾水器 情緒勒索領生果金婆婆＋要求封$100利是
疫情影響下，大家更加注重健康，紛紛在家添置空氣清新機、濾水器等家電，為自己健康作多重保障。電視節目《東張西望》指有不明人士利用大眾關注健康一點，向老人家以不合理價錢推銷不明濾水器，過程中不時情緒勒索領生果金王婆婆，更要求婆婆搵夾萬、手袋、利是，務求湊夠金額簽成訂單。即睇下文了解行騙手法，提醒身邊長者多加注意！
============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？
============
受害人王婆婆和丈夫、工人姐姐同住，由於時不時會有社工上門探訪，而事發當日以為係上門家訪，所以冇任何提防下開門讓騙徒入屋。而王婆婆女兒周小姐就透過家中閉路電視揭發此事，並隨即致電單據上嘅電話要求退貨，但未有得到回應。
一男一女衣着打扮上與家訪社工相似，難怪王婆婆誤會及上當。
濾水器冇牌子名、相關規格資料。
事發經過
騙徒入屋後即入廚房裝作檢查，然後就開始向婆婆問多條問題：「有冇裝濾水器？」「知唔知咩叫濾水器？」等，婆婆都未搞清楚發生咩事，就開始以水質有問題、有細菌恫嚇婆婆，並講其他住戶都有安裝濾水器，包裝成家家戶戶都會做嘅平常事。同時，騙徒以「為你好」包裝成件事，一連串問題、講解令王婆婆愈來愈迷惘。
上門銷售乃非法行為 但法律規管不足
入樓上門銷售時不時發生，惟公屋最常出現，因為推銷員多以維修設施或送外賣等藉口，保安員難以分辨及阻截。加上法律也不足以保障市民，就算推銷員不實介紹產品，住戶缺乏旁證、錄影等證據，都難以追討。其實早年警方都以欺詐罪拘捕2名冒認房署人員推銷濾水器，但最後裁判官指該案件雖屬不當行銷，但不等於行騙，裁定被告罪名不成立。
為防受騙，多和身邊長輩溝通或建議他們如遇上任何推銷，都致電仔女詢問意見，再作決定。
text/la
圖片來源：節目截圖
港生活人氣本地熱話
【🎁免費送】HIZERO 輕量級F300潔地機！
↓簡單兩步登記贏清潔神隊友！↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
