呢兩日天文台預料位於西北太平洋嘅熱帶氣旋「瑪娃」，會在本周後期移向菲律賓以東海域，中央氣象台更預料，「瑪娃」會逐漸增強成超強颱風！對於要返工嘅打工仔嚟講，一聽見打風真係又愛又恨：因為打風而可以唔使返工嘅話，固然暗爽！但如果閣下嘅工作，係8號風球都要繼續工作嘅話，如果喺上下班期間有意外，會唔會有得賠呢？改掛3號波之後幾耐要返到公司？如果係下午3pm改掛3號波，我仲使唔使返工呢？不妨睇吓勞工處訂立嘅《颱風及暴雨警告下工作守則》點講啦！
============
同場加映：
【家居達人】記者實測！8款市面消暑降溫用品 : 最新冷感頸環、冰凍噴霧、濕紙巾等 邊款最有效？最勁降2.6°C！
============
八號或以上颱風警告喺工作時間開始前發出，使唔使返工？
僱主應該就工作需要，喺平日同員工協商好邊啲員工要喺八號以上風球或黑色暴雨警告等惡劣天氣警告生效情況下，要返回工作地點工作，並應該將必要當值人數減至最少及預早通知有關員工，否則僱主唔應該要求僱員回公司上班。僱主亦應該要為要上班員工考慮往返交通嘅可行性。如必須上班員工因交通或個人安全而不能上班，僱主亦唔應該要求必要人員即時前往工作地點。
因應工種不同，僱主喺颱風前應該同員工協商好係咪要返工，同埋應該盡量將要當值人數減至最少。
返工期間掛八號風球，係咪可以提早走？
天文台通常會喺正式懸掛八號風球前2小時內，發出「八號預警」，當發出八號預警或八號颱風警告時，除必要人員外，僱主應盡快安排僱員分批下班，並對有特殊需要嘅僱員（如懷孕、殘疾、居住地點交通不便等）作優先及彈性處理。萬一員工因交通服務受阻、天氣狀況或其他特殊情況而未能離開，僱主應該喺工作地點安排地方畀員工休息。
當天文台發出「八號預警」，僱主應盡快安排僱員分批下班，並對如懷孕、殘疾、居住地點交通不便等僱員作優先及彈性處理。
喺工作時間結束時，八號風球或黑色暴雨警告仍然生效，應該點算？
員工喺安全情況下，可在工作時間結束時下班。如有需要，僱主應安排合適地方畀員工在工作時間內或下班時暫避風雨。
八號風球落波後，幾時要返到工作地點？
大家仲記唔記得喺2018年，在颱風山竹落波之後，發生全球上班族要排除萬難如爬過塌樹先返到工嘅場面呢？自此政府修訂咗《颱風及暴雨警告下工作守則》，政府喺超強颱風後可發出「極端情況」。喺公共交通服務嚴重受阻、廣泛地區水浸、嚴重山泥傾瀉或大規模停電時，政府會按照情況，喺天文台將八號颱風警告改為三號颱風警告前，公布「極端情況」是否適用。即如果喺天文台除下八號颱風警告後引致「極端情況」，即使已改掛三號風球，員工仍應在八號颱風警告取消後嘅兩小時內，留在安全地點，而非馬上上班。
如果颱風落波後出現「極端情況」，員工可以唔使立刻上班。
如八號颱風、黑色暴雨警告或「極端情況」在工作時間內取消，而剩下嘅工作時間超過3小時，員工應盡量喺2小時內返回工作崗位；但如警告或「極端情況」取消時，仲有唔夠3小時就到放工時間，僱主應容許員工唔需要返工；另外，僱主亦可考慮畀員工在家工作，或容許上班有困難嘅員工同事有更寬裕的時間上班。
如果風球落波時間，距離放工時間超過3 小時，員工應盡量喺2小時內返回工作崗位。
打風上下班途中有意外，有無得賠償？
根據《僱員補償條例》，原來喺八號或以上颱風警告、紅色或黑色暴雨警告生效期間，員工喺上下班途中嘅四小時內，如果意外受傷，即屬工傷，僱主必須根據《僱員補償條例》作出補償。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
