一舞傾城|鄺潔楹大字型被綁慘遭變態凌虐滿身傷痕 突破電視尺度畫面似足《格雷的五十道陰影》

文: 羅志宏
2023.05.25

TVB劇集《一舞傾城》昨晚(24日)一集有SM場口成為全集高潮位,鄺潔楹飾演的細細粒慘被練馬師SM,最終滿身傷痕的受虐模樣我見猶憐。鄺潔楹在這場戲中突破電視尺度,豁出去挑戰SM場口,畫面似足美國情色電影《格雷的五十道陰影》,而之後的一場落船崩潰戲更是好大考驗!

劇情講到細細粒(鄺潔楹飾)有感連累Money(文凱玲飾)欠下周身債,遂答應陪練馬師上船過夜幫手還債,怎料練馬師有鋪SM癮,被大字型綁在床上的細細粒慘遭練馬師蹂躪,經過一番變態凌虐後,最終導致遍體鱗傷、滿身傷痕。

鄺潔楹於相關場口將角色的恐懼、不安、崩潰等情緒演繹到位,令不少觀眾大感心痛。講到相關場口,Judy坦言很緊張:「從演以嚟都未試過咁大尺度,事前都有做定功課參考一啲虐待戲應該點拍。」

鄺潔楹續指一換上SM戲服已經入戲,她說:「一上到張床鎖上個手扣,個不安感覺已經出咗嚟,對我嚟講係好真實,呢場戲我係一秒都冇放鬆過,就連排戲嘅時候我都叫佢哋綁住我,因為我想攞嗰種感覺,同埋見到好多刑具喺現場,望落去已經好驚,所以我係用當下嘅情緒去做呢場戲。」問到事後有否陰影?鄺潔楹說:「都冇嘅,嗰日係我嘅煞科戲,知道拍埋呢場就冇辛苦戲,所以之後嘅心情都有放鬆到。」

講到之後的落船崩潰戲,鄺潔楹坦言:「本身係擔心應付唔嚟,因為比較少做情緒化嘅戲,呢個唔係我嘅強項。拍呢場戲另一個難度,就係當時天氣有成37度,劇情係要我赤腳行落甲板,一踩落甲板已經好唔舒服,好似畀火燒咁,成個人癲咗咁,有啲位係嗌咗出嚟發泄,呢場戲最終兩Take就搞掂,當下演出嚟係最真實。」

同場加映:【衝出嚟玩】葵盛11米高戶外歷奇樂園!22個刺激關卡/全港獨有蜥蝪牆/60米空中飛索

 

圖片來源:TVB、劇集截圖

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓