10種過期食品仍可食用 專家：感官可判斷仲食唔食得

============
同場加映：
【家居達人】$12店煮食小幫手　超慳時間＋一物多用！

============
食物標籤有咩唔同？
如果係此日期前最佳（Best Before）就係針對食物品質，如短時間內過期則會影響口感或令營養流失，但仍可安全食用。而此日期或之前食用（Use By）則針對食物安全，如過期後食用可能對人體健康造成危險，因此不建議食用。

1. 穀物早餐
唔少人都鐘意食穀物做早餐，有時囤貨時可能都會買多咗幾盒。而呢類麥片、栗米片嘅穀物早餐可以喺保質期後嘅六個月內食用都冇問題～

2. 花生醬
如果未開封嘅花生醬，無論有冇儲存喺雪櫃，超過最佳食用日期後都仍可保存一年。開封後就只可以喺溫室保存3-4個月，或者喺雪櫃中保存6-8個月左右。如果花生醬質地變硬、變乾或顏色變深，就應該扔掉了。

3. 朱古力
朱古力保存喺溫度唔超過 21ºC嘅陰涼乾燥處，過期後仍可儲存2-4個月，喺雪櫃儲存到6-8個月，在冰格中儲存2-3年。  另外，放耐咗嘅朱古力可能會出現白色嘅斑點，其實並唔係黴菌，而係脂肪或糖霜嚟㗎，仍然可以安全食用～

4. 餅乾、薯條
只要冇出現怪味、油饐味或變得粉碎就可以吃。

5. 乾燥麵條
乾製品一般都不易變質，喺完全乾燥的狀態下保存三年都冇大問題，只要冇出現異味都可食用。

6. 麵包
新鮮麵包嘅最佳日期通常都比較短，如過期一兩天，只要麵包上冇出現黑點或霉菌，就可以繼續食用。 如果想延長麵包嘅保質期，請將其存放於冰格中，最多可保存兩星期。

7. 雞蛋
如果想睇下檢查雞蛋有冇變質，可以將雞蛋放入一碗水中， 沉嘅話代表仍然可以安全食用；漂浮嘅話就可以掉入垃圾桶啦～

8. 硬芝士
硬質芝士即使已經開始發霉，仍然可以食用，但仍需求喺保質期過後一個月內食用。

9.冷凍食品
冰冷嘅溫度可以防止食物變質，所以任何類型嘅冷凍食品多數都可以過期後仍可安全食用。

10.番茄醬、芥末醬和調味料
一般調味料嘅保質期都比較長。 如果番茄醬未開封，可以喺室溫下存放過超一年。打開後放雪櫃就要喺 6個月內食用完。 黃芥末喺未開封嘅情況下保存長達 2年，或者開封後喺雪櫃保存一年。 

Text/ Bee
Source/ foodnetwork, Unsplash, istock