TVB劇集《一舞傾城》劇情高潮浪接浪，激情場口一樣愈播愈有，昨晚（29日）一集就再有女主角蔡潔性感上陣與楊明激情親熱一分鐘，畫面相當大尺度，兩人化身人肉風火輪，由門口肉緊咀到上床，意亂情迷的一夜情戲碼可謂非常肉緊。
最新劇情的焦點落在蔡潔與楊明上演的激情戲碼，暗戀Monica（蔡潔飾）的志飛（楊明飾），在Michelle（姚子羚飾）推波助瀾下成功約會Monica，感情再進一步之際，二人意亂情迷下發生一夜情，吊帶裙上陣的Monica更主動脫下志飛的上衣，而志飛亦除下Mon的吊帶再互相狂吻；惟Monica事後對志飛有所避忌，似是未能走出失戀陰霾。
蔡潔、楊明於這場近一分鐘的親熱戲，兩人化身人肉風火輪轉住圈嚟嘴，由門外咀到上床，蔡潔更力谷事業線，畫面相當肉緊。講到這場戲，楊明受訪時說：「其實都冇乜尷尬，因為大家都入咗行咁耐都明白拍戲係咁，蔡潔好專業，而我亦都有呢類戲嘅經驗，大家都溝通好晒。事前都試咗幾次位，務求用最少Take數完成呢場戲。」
問到事前有否向女友莊思明備案？楊明笑言：「都唔使備案，因為思明有份拍呢套劇，劇本佢睇到晒，佢知道有呢場戲，但都會同佢講聲邊日會拍呢場。最好嘅係另一半都係演員，佢會明白係咩一回事。」
講到劇中有除衫晒肌、半裸鏡頭的畫面，楊明坦言事前做足準備：「因為唔想肥騰騰咁，所以拍攝前都有做掌上壓、引體上升泵脹啲肌肉，亦有聽前輩分享話拍之前要收水，希望啲肌肉唔好咁鬆散。但掌上壓又唔可以做得太多，因為驚做得太多之後啲動作唔夠力做！」
同場加映：【衝出嚟玩】航天城3萬呎海景室內遊樂場開幕！放電之選玩盡18大主題區
圖片來源：TVB、劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
