「斷捨離」近年大行其道，不少人分享相關方法、秘訣，市面上更有斷捨離、收納整理的培訓證書課程，讓大家更加了解其理念及實行方法等。其實只要在日常生活中定期清理以下10項物件，甚至每日丟一樣不需要的物品，這樣已經足以整理好屋企環境和個人心情！
============
同場加映：
【家居達人】$12店煮食小幫手 超慳時間＋一物多用！
============
入門級
1. 過期物件
過期的食物、護膚品、化妝品等物件本來就應該定期清理，但是大家總會因為「還可以用多一兩日」、「之後一次丟」等理由一直拖延，以致屋企雜物愈來愈多。只要丟走過期物件，就會發現原來屋企仲有這麼多的儲物空間！
2. 有問題的廚具
甚麼廚具會有問題呢？崩口的碗碟、已經有刮痕的易潔鍋、有彩虹光的不鏽鋼煲、單丁筷子等，長期使用前者們會因衛生而對身體唔好，而單丁筷子則不會再次使用，不會突然間派上用場，不如狠心地一次過清走這些廚具，為廚房換上一個全新面貌。
3. 外賣餐具
香港地愈來愈人係「無飯家庭」，返工太攰、放工太晏，大家都多咗叫外賣解決三餐，以致屋企愈來愈多外賣餐具。其實屋企都有餐具，不如為環保出多份力，改變使用即棄餐具習慣。
4. 重複出現物件
屋企總會有幾樣物件特別多，以為唔見咗而再買，但發現原來只是在某個角落，而這些情況經常出現，如果該物件已經有3件或以上，建議只留下2件，並為物件劃出專屬擺放位置，用完後即時放回原位，那就不怕要用時搵唔到喇！
5. 垃圾訊息、電郵
電子時代大家每日都接收大量訊息、電郵，當中包括不少宣傳內容等垃圾訊息、電郵，只要每日即時刪除，就不會累積至過百過千的不可收拾地步了！
進階版
6. 廚具禮物
好多人鍾意用廚具禮物畀朋友，貪佢哋夠實用，但一個普通家庭點會用到三四個煲、十隻碟呢？淘汰變舊嘅廚具後，留下幾件喜歡且實用款式，其他都送人或捐出吧！
7. 贈品、紀念品
唔好睇少贈品、紀念品的威力，就係因為細細件、不太佔空間，特別是紀念品具有紀念價值，好容易愈留愈多！贈品盡量規限自己一個月內使用，1個月後都未用得到，不如轉贈畀朋友；紀念品大可用電話或相機影低，用電子圖片形式留低，而實體物件捐出或送畀其他朋友。
8. 用淨嘅染髮劑
試過自己在家染髮都知道染髮劑永遠都用唔晒，以為以後有機會再用到，但往往都想試新顏色、新牌子，而用淨嘅產品只係一直放喺度，試試改變呢個自以為「慳家」習慣，為屋企騰出空間。
9. 信件
知道好多公司都轉以電子郵件形式寄出，反而這個改變令大家對實體信件掉以輕心，積下又一封積下又一封，當要處理時就發現數量太多，令人提不起勁去分類。只要拆開信件、閱後隨即處理，就可以省略好多日後工夫！
10. 半年冇用的app、多張同角度照片
和我哋相處最長時間莫過於電話，電話入面不用的東西都有好多，例如半年冇用的app、多張同角度照片等等，都佔據好多儲存空間，定期刪除就可以騰出更多空間，又唔使不停課金買雲端空間。
text/la
圖片來源：網上圖片
港生活人氣本地熱話
↓【限時搶⚡】La Maison du Chocolat 冰雪朱古力禮盒↓
↓香脆朱古力外層｜配上軟滑朱古力慕斯↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
