最近天氣非常炎熱，各區氣溫高達30幾度，行兩步都已經出哂汗啦！不過有時都避免唔到要室外活動，唔少人都會利用消暑法寶，好似風扇仔、退熱貼等幫助降溫，但原來呢啲物品都有正確嘅使用方法，用啱地方可以達至最佳功效，用錯可能會愈來愈熱𠻹㗎！即刻睇睇夏日消暑5大方法！
============
同場加映：
【家居達人】$12店煮食小幫手 超慳時間＋一物多用！
============
第一招：退熱貼放肚臍最有效
退熱貼嘅設計原意就針對發燒專用嘅，所以大家想用作降溫時好自然就會貼上額頭。但日本健康節目《その原因、Xにあり》早莉就有醫生指出，冷敷最有效嘅位置其實係肚臍，而唔係額頭，原因係肚臍下方有最粗嘅血管，大動脈會流經呢個位置，血液流動量係最多，所以貼退熱貼喺肚臍下方，先可以最有效咁加速降溫。
第二招：風扇仔＋濕毛巾使用
夏日炎炎，唔少人都拎住把風扇仔出街。不過原來風扇仔都有正確嘅打開方式㗎，如果喺太陽底下吹風扇，只會將熱風吹到自己身上，愈吹愈熱，甚至有中暑危機啊！正確使用方式應該係將條濕毛巾掛喺頸上，將風扇吹向毛巾，就可以將熱風換成涼風，感覺都舒服啲啦～
第三招：多飲水、少飲咖啡和酒
飲水可幫助消暑就眾所周知，如若果喺室內活動，最好就隨時隨地飲多兩啖水，補充足夠水份令身體唔好處於缺水狀態。而咖啡和酒屬於利尿飲品，會加速體內水份流失，會愈飲愈口渴㗎～
第四招：食辣
大家可能會對食辣有助消暑有所保留，但其實辛辣食物有助刺激汗線分泌，幫助身體排汗以及促進新陳代謝，散熱都快啲啦～
第五招：冰爽噴霧
夏天外出難避出汗，使用冰爽噴霧後產品嘅內冰涼成分同衣服上嘅汗液接觸，瞬間發揮冰爽效果，感覺到冰涼舒爽。無論係戶外活動、運動、日常上班上學、悶熱嘅室內空間都可以使用，消暑又降溫～
Text/ Bee
Source/ PhotoAC, unsplash
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
