隱門|吳岱融喪心病狂連環虐待黃智雯未算最激 癲佬上身咬甩耳仔刪剪片曝光嚇破膽

文: 羅志宏
2023.05.31

TVB新劇《隱門》日前首播,吳岱融喪心病狂演繹的「一代賊王」葉嘯天火速抓住觀眾眼球,開播短短兩天已話題十足,其中黃智雯與「衰老豆」吳岱融之間的扭曲父女情,更成為劇集的追看點。而吳岱融就坦言「我個角色好恐怖嘅,要錢唔要女。呢個係我從影以來最衰、最變態嘅角色,反派到極致。」至於昨晚(30日)播出一集,吳岱融咬甩耳仔的場口因為尺度問題,出街前有部分場口需要被刪剪。

繼《巨輪II》及《黄金有罪》,63歲的吳岱融與監製 王心慰今次是第三度合作;談到之前二人攜手打造的「鷲哥」憑「賤得嚟有型」爆紅,角色金句更是傳誦至今。監製指今次是專誠為吳岱融度身訂造葉嘯天一角,又大讚吳岱融是次爆Seed程度直達天花板境界:「之前佢拍《巨輪II》,我喺現場睇已經覺得佢表現超出我預期,然後我一直覺得佢有潛質再爆上去。」 

以葉嘯天(吳岱融飾)「狠樣」及「暴行」為主打的片段所見,吳岱融各式各樣狠樣令人心寒,還有葉嘯天連環虐待心月(黃智雯飾)過程,包括箍頸、撼頭埋牆及連環掌摑等。其中一幕葉嘯天服刑期間發狂咬甩囚犯耳仔一幕,據知更因尺度問題出街前決定剪掉。

雖然如此,吳岱融目露凶光兼青筋盡露的勁爆狠樣,已足以令觀眾入戲。吳岱融坦言是次飾演葉嘯天辛苦之餘亦大壓力:「成日要將個轉數Tune到好高,同埋真係打得比較多,所以有啲壓力,自己演繹呢個角色好多時係扯到行晒,好似睇咩都唔妥咁,係好玩嘅,但亦真係需要大量體力。」

吳岱融又指葉嘯天與「鷲哥」大有不同:「高天鷲係有錢嘅惡人,葉嘯天係冇錢嘅惡人,因為冇錢佢發晒癲、不擇手段,仲要好喪。」吳岱融透露最難忘場口是臨尾險遭煎Pan活埋,並透露拍攝時雖然辛苦,但當見到愛兒在現場為自己認真拍攝劇照時,頓時暖在心頭。

談到應付大量動作場面,吳岱融笑言全靠平時有鍛煉體能,及監製貼心安排:「我一路以嚟有踢波同Keep住一小時慢跑,仲會拉筋,拍嘢時又會做多啲按摩咁。同埋監製好體恤,搵咗個六十幾歲嘅替身畀我,等我有機會抖吓。」

至於女主角黃智雯亦獲得洗板式好評和讚賞,她在劇中被吳岱融以箍頸、毆打等各形式虐打,因而身心受壓患上精神分裂,柔弱的外表,跟內心的仇恨,形成強烈反差,角色極具發揮。而昨晚播出的一集,黃智雯與吳岱融終父女「重聚」,期間吳岱融更向黃智雯箍頸施襲為稍後一連串的虐打戲揭開序幕,劇中二人不乏對手戲,吳岱融的窮兇極惡與黃智雯的可憐柔弱,成一大對比,他們的「父女戲」令觀眾睇得肉緊,二人的演技獲得不少網民稱讚。

 

同場加映:【衝出嚟玩】航天城3萬呎海景室內遊樂場開幕!放電之選玩盡18大主題區

 

圖片來源:TVB、劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓