為咗吸納人才加入公務員行列，同時令青年可以提早規劃未來事業發展。政府今年起將會擴展擴闊公務員招聘範圍，現時準備升讀或就讀大學三年級嘅學生都有資格投考，獲取錄嘅申請人可得到有條件聘請，喺畢業後加入政府工作。有志加入公務員團隊嘅各位，記得要留意相關招聘考試安排！
============
同場加映：
【家居達人】抹窗勿搏命！ 清潔3部曲+安全貼士
============
近年來公務員流失情況持續，上年度流失率更高達5.9%，出現多個職位空缺。公務員事務局局長楊何蓓茵日前同八大資助大學代表會面時出招吸納人才，以往政府部門招聘只招聘應屆畢業生或已取得相關學歷嘅人士，而家宣佈擴闊政務主任、二級行政主任等6個政府職系嘅招聘範圍至大學三年級嘅學生，鼓勵更多有志服務社會嘅大學生加入公務員團隊。成功獲取有條件聘請者只需符合特定條件，包括喺指定時間內完成相關學位，就可以喺畢業後入職。
何蓓茵認為上述措施可以造成三贏，又指對年輕學生而言，提早獲得有條件取錄，可以為佢哋提供更加有保證嘅前途，亦讓佢哋日後得到聘任之後，可以更加專注學業、裝備自己。對院校而言可以更好利用資源，協助有意投身公共服務嘅同學，做好規劃及準備工夫，對政府而言，亦可以更加貼近市場變化，盡早網羅人才加入政府。
佢又補充：愈來愈多公營機構和私營企業推行類似措施，所以政府喺招聘工作上都要與時並進，提早招攬優秀人才。政府會聯同各大學及專上教育機構，喺校內向學生提供措施嘅詳情。
公務員招聘考試安排
暫定今年10、12月會舉行綜合招聘考試及《基本法及香港國安法》測試，12月將舉行政務主任、二級行政主任、二級助理勞工事務主任、二級助理貿易主任、二級管理參議主任及二級運輸主任聯合招聘考試，持有學士學位人士及將於2025年畢業嘅大學生皆可申請。
下一輪綜合招聘考試及《基本法及香港國安法》測試暫定於今年8、9月接受申請，至於聯合招聘考試則暫定於9月接受申請。
Text/ Bee
Source/ 香港政府新聞公報
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
