網民分享：淘寶捉蚊滋好物 用一日目測已捕獲過百隻！

============
同場加映：
【家居達人】$12店煮食小幫手　超慳時間＋一物多用！

============
淘寶購「殺蠅餌劑」 一日已捕獲過百隻飛蟲
該網民於Facebook群組「淘寶開心share」分享自己使用淘寶購「殺蠅餌劑」後嘅效果，並附有一張產品成功捕獲目測有過百隻黑色昆蟲嘅圖片，隨指自己用咗呢款「殺蠅餌劑」僅僅一日就已經非常見效：「用咗一日就已經捉到好多隻蚊滋，真係好掂，放係(喺)垃圾桶、水果附近好有效」

有不少網民亦於帖文中留言指自己曾使用過呢款產品，亦能成功捕捉唔少嘅飛蟲，大讚非常好用：「我都覺幾好，捉到比我想像多。仲係幾日見效」、「我用過，非常好用，捉蠅仔…依家屋企無曬(晒)D(啲)小飛蟲了…」、「我都用緊，唔用唔知有咁多蚊兹(滋)，超好用」

網民分享指淘寶購的「殺蠅餌劑」非常有效，能於一日內成功捕獲目測超過一百隻黑色昆蟲。

有用家反映完全冇效果 
不過亦有不少網民留言話呢款「殺蠅餌劑」並無效果，使用一段長時間後都未能捕獲飛蟲：「完全冇用、嘥錢」、「但我果(嗰)個放左(咗)半年，一隻都無入去，重系(喺)出面開Party」、「冇用，喺日本城買放成個月捉得2粒，啲果凍仲會風乾縮細咗」、「用咗成個月，一隻都捉唔到，蚊之(滋)仔就飛來飛去」

有網民則指自己使用了這款「殺蠅餌劑」一個月僅能捕捉到兩隻飛蟲，甚至有網民指是完全沒有效果，連一隻都無法捕獲。

其實會引來更多飛蟲？花露水更有效？
更有網民指使用呢一款「殺蠅餌劑」其實係只會引來更多嘅蒼蠅同蚊滋：「佢係有用，不過我覺得佢係引啲蒼蠅黎(嚟)，越引越多！」、「好似平時唔覺有蚊螆(滋)，但一用左(咗)就有蚊螆(滋)飛埋去」、「我放左(咗)之後，屋企多左(咗)好多蚊之(滋)仔，唔好用」，而有網民就另外分享自己將花露水作擴香瓶用反而更有效：「覺得放完仲多左(咗)好多蚊之(滋)仔，最後放花露水，就冇咩蚊之(滋)仔啦」

有網民指使用「殺蠅餌劑」雖能捕獲飛蟲，但同時卻會為家中引來更多的蒼蠅同蚊滋。

有網民則指花露水反而比「殺蠅餌劑」更有效，將其當作擴香瓶使用後，令能出現於家中的蚊滋減少。

text/Jonathan
photo/淘寶開心share、淘寶、iStock