TVB劇集《一舞傾城》熱播中，最近劇情講到「萬國城最後一位處女」KK（陳星妤飾）終於獻出寶貴的初夜，而Marco（關楚耀飾）承諾廝守終生，愛她一生一世，終真誠打動KK。而處女拍劇的陳星妤拍攝這場戲時，更獻出螢幕初吻，直言：「錫嘴比較尷尬」。
昨晚（1日）一集重頭戲，非「萬國城最後一位處女」KK（陳星妤飾）獻出初夜莫屬，劇情講到Marco（關楚耀飾）向KK承諾會跟太太離婚，並愛她一生一世，KK被Marco真誠打動，獻出寶貴初夜。雖然播出的畫面未有激烈的床上戲，僅得二人在床上親吻的鏡頭，但就以一片玫瑰花瓣落地作為隱喻交代，饒有意味。
講到獻初夜場口，陳星妤透露：「呢場戲原本係劇集開拍初期就要拍，但當時係直情未同關楚耀拍過對手戲，所以擔心演得唔好，驚個感覺出嚟唔夠愛，後來改咗後期啲先拍，最終出嚟嘅感覺都OK。」陳星妤續指為該場戲獻出螢幕初吻，她說：「拍攝前關楚耀都有叫我自然啲、放鬆啲，同埋導演都有指示我點樣去做，錫嘴係比較尷尬，今次都係一個難忘嘅經驗，當畀自己壯吓膽，希望以後可以更加駕輕就熟。」
昨晚另一焦點落在趙碩之飾演的媚媚身上。單親媽媽媚媚因舞小姐身份曝光，令兒子在學校被同學欺凌，媚媚帶兒子到學校投訴，豈料校方為保聲譽反過來勸她為兒子轉校，令媚媚情緒失控爆喊怒吼：「我嘅職業唔係叫做雞，只係夜總會侍應，我咁辛苦送個仔嚟呢間學校，就係想佢學識尊重人，但原來你哋唔識教……」、「我工作唔係人人接受到，我明，但至少冇偷冇搶，我對得住佢，對得住自己，對得住所有人，點解唔可以當我係普通人……」
趙碩之近兩分鐘的爆Seed場口道盡舞小姐辛酸，獲不少網友同情。趙碩之坦言親情線是她接拍《一舞》主因，她說：「呢場戲難度好高，收到劇本當晚決定接呢部劇，第二日就入劇組圍讀。雖然時間比較倉猝，但我都有請教多位前輩同埋做足功課，當大家對完場戲，編劇、導演組同部份演員都以熱烈掌聲給予肯定，係我從影生涯內從未發生過，我亦都好開心正式拍攝時發揮得好。」
同場加映：【衝出嚟玩】航天城3萬呎海景室內遊樂場開幕！放電之選玩盡18大主題區
圖片來源：劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
