記者實測！8 款中伏家居小工具 嘥錢磨蒜器、超伏洗衣球、微波意粉盒大成功

============
同場加映：
【家居達人】$12店煮食小幫手　超慳時間＋一物多用！

============

1. 新款按摩棒（用途︰聲稱按摩用、中伏指數︰5/5 分）— 兩邊按摩面一大一細，打落肉痛感多於按摩舒服感，一致認為似懲罰多過按摩，超中伏！

2. 隔塵洗衣球（用途︰隔走毛髮、線頭、塵垢、中伏指數︰5/5 分）— 只需放入洗衣機與衣物一起清洗即可，實試扔入滿佈狗毛的衣物。

結果顯然而見係失敗㗎！

3. 鼻子按摩器（用途︰清潔毛孔去黑頭、中伏指數︰4.5/5 分）— 洗面時套在指尖在鼻頭打圈按摩，原理係代替去角質洗面膏嘅磨砂粒粒。

但實試後發現表面根本好平滑無乜凹凸感，而且用後皮膚還泛紅好一陣子，廢 J 記者 Serena 生氣大叫「垃圾嚟㗎！」。 

4. 寵物洗腳杯（用途︰洗寵物腳、中伏指數︰4.5/5 分）— 內含矽膠條的杯子，感覺有點拮手。購買時已有疑慮，因大部份的狗狗都唔鍾意人掂佢哋腳仔，仲要塞入去可能會驚。

結果可想而知，經阿肥和 Mocha 兩隻狗 Model 實試後證實已中伏！

5. 磨蒜器（用途︰磨蒜、中伏指數︰4/5 分）—  煮開飯嘅朋友應該都知呢啲磨蒜器其實極唔方便，搞完一大輪其實切會仲快，但出於尊重呢個產品嘅誕生我哋舉行咗第一屆切蒜大賽。

賽果顯然而見，磨蒜器唔止使用起來相當費力、仲會卡住卡住同浪費蒜頭，時間上當然是直接切較快啦！

6. 微波意粉盒（用途︰無火煮意粉、中伏指數︰0/5 分）—  先以盒蓋量度意粉量再裝水至刻度，打開蓋放入微波爐，按照包裝指示微波（600W—4分鐘、500W—5分鐘），叮完後蓋好倒水，注意少許蓋唔實。

大成功！超推薦給懶人煮意粉用，另我哋發現有售多款 $12 蚊意粉醬，好啱屋企無爐煮飯嘅人，微波爐一次過叮就得。唔怪得佢係 TOP 9 銷售產品啦！

7. 雪糕專用匙（用途︰食雪糕、中伏指數︰0/5 分）—  專用匙用鋁嚟做所以比較容易挖到雪糕，店內有多個款式，我哋即刻同正常匙比較！

剛從冰箱拎出嚟嘅雪糕，正常匙要用 18 秒先挖到，專用匙用 4 秒就得喇！

8. 血液專用洗衣劑（用途︰清洗血漬、中伏指數︰0/5 分）— 女仔每個月總有幾日會整污糟床單或下身衣物，呢枝專用洗衣劑就幫到大家喇！只需直接滴落血漬上捽捽捽，放入洗衣機清洗後已經完全搵唔返撻血漬喇！又一大成功！

【INFO】
所有產品購自 Daiso 及執笠倉

Text/Yuen
Photo/Ricky