大家知唔知呢隻好似蛹咁嘅物體係咩嚟呢？一名網友日前喺家中發現好幾隻「水泥蟲」，明明清潔咗牆面唔夠兩個月，理應係乾淨唔會「引蟲入室」，而且清完又出現！呢個問題令佢非常頭痛，於是決定上網求助，唔少網民一眼就睇得出係衣蛾，一齊睇下有咩辦法可以消滅呢類昆蟲啦～
============
同場加映：
【家居達人】$12店煮食小幫手 超慳時間＋一物多用！
============
網友指出「水泥蟲」其實係衣蛾幼蟲，會黐喺牆壁或天花板上蠕動，鍾意潮濕嘅環境同咬衣服、棉被等，見到一隻可能代表已經生咗一堆，真係好嘔心啊！如果見到啲衫有被咬過嘅痕跡或穿咗洞，好大機會就係衣蛾作怪！
滅蟲第一招：開抽濕機
頭先都有提到衣蛾喺潮濕嘅地方特別容易出現，網友建議將房間濕度維持喺50-55%之間，令室內環境保持乾燥及通風，有效防治衣蛾出沒。
滅蟲第二招：保持衣物、棉被清潔
衣蛾特別喜愛沾有食物或其他東西嘅紡織品，如果衣物、棉被滿佈皮屑、毛髮等就更加容易被衣蛾侵蝕。平時衣服要保持清潔，要收好放進衣櫃，櫃門要關上，最好多放幾粒臭丸，可有效殺滅衣蛾、蠹魚之類嘅昆蟲。
滅蟲第三招：水蒸式殺蟲劑
水蒸式殺蟲劑又名水煙罐，使用時需將室內門窗密閉，透過水蒸氣藥劑滲透到縫隙處，令藏喺角落嘅害蟲，因為接觸藥劑而死亡。不過為免中毒，人同寵物都唔可以留喺室內，使用殺蟲劑後物品需用清水擦拭，如碗碟及床被都需要清洗確保安全。
Text/ Bee
Source/ Unsplash
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
