天氣炎熱，小朋友又即將開始放暑假，大家都會買定大量水果、飲品、甜品及雪糕等消暑食品，放入雪櫃雪凍嚟享受，再加上其他日常用嘅食材同食物，雪櫃空間真係好快爆棚！但唔好以為只要乜都放晒入雪櫃就100%安心，原來由買食物嘅先後次序、到將點樣放置及保存食物，保持雪櫃嘅適當溫度，都相當有技巧㗎，否則食物都會有機會變壞，食到家人肚瀉同腸胃炎，就大件事喇！
============
同場加映：
【家居達人】家居植物盆栽推介 新手種咩好？專家教防蚊方法、種植4大要點
============
智慧1.買餸時冷凍食品最後買 最好帶埋冰袋保溫度
原來出街買嘢食或買餸，應該先購買蔬果或乾貨等常溫食材，最後先購買鮮肉、熟食、冷藏及急凍食物，而可以的話請帶備保冷袋，後兩者從超市嘅冰櫃攞出嚟後，直接放入冰袋，盡快回家放入雪櫃。肉類及海鮮放在冰袋最底，之後才放其他食物，每種食物獨立包裝好，以免肉汁滲出來污染其他食物。
出街買嘢食或買餸，最好先購買蔬果或乾貨等常溫食材，最後先購買鮮肉、熟食及雪糕雪藏肉類等急凍食物。
如果可以嘅話，盡量自備保冷袋盛載冷藏食物返屋企。
智慧2.熟食新鮮食物分開放 雪櫃空間只用7 成
建議食物分裝成小盒並做好分類管理，上層放熟食，下層放生食，避免肉類血水污染到熟食，減低生熟食物交叉感染嘅機會。而食物雖然放喺雪櫃內，其實都唔可以放得太耐，放冷藏室嘅食物最好唔好超過3 日，冷凍食物都大約只可存放一至三個月，同時為保持雪櫃內空氣流通，雪櫃內嘅置物空間，最好只放約7 成，千萬唔好有太多食材，阻礙雪櫃出風口，影響保冷功能。
肉類等生嘅食材，盡量喺雪櫃下層，避免肉類血水污染到熟食，減低生熟食物交叉感染嘅機會。
為保持雪櫃內空氣流通，雪櫃內嘅置物空間，最好只放約7 成，千萬唔好有太多食材，阻礙雪櫃出風口。
智慧3.監察雪櫃溫度 唔好成日開雪櫃門
應該時常check住雪櫃溫度，冷藏室應介於0至7度，最好約4 度，而冷凍室應低於-18度。溫熱嘅食物應等擺放至約室溫，再放入雪櫃，否則喺雪櫃內嘅降溫過程，會拉高雪櫃平均溫度，反倒造成其他東西嘅保存受到影響。同時亦唔好經常打開雪櫃門，亦會影響雪櫃內溫度。
冷藏室應介於0至7度，最好約4 度，而冷凍室應低於-18度，亦唔好經常打開雪櫃門，會影響雪櫃內溫度。
智慧4.食物都有危險溫度帶？
原來食物放置喺7～60度之間，好多細菌喺呢個溫度帶會速生長繁殖，因此亦係食物嘅「危險溫度帶」，因此建議食品調製後，切勿於室溫下放置超過2小時，夏天室溫超過約32度時，勿放置超過1小時。急凍食物要解凍時，最好放喺雪櫃內慢慢解凍，避免長時間放在室溫，亦可避免惹蚊蟲。
調製過嘅食品，切勿於室溫下放置超過2小時，夏天室溫超過約32度時，勿放置超過1小時。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
