經歷咗三年新冠疫情後，我哋好似比之前更常叫外賣解決三餐，不過大家可知道盛載食物容器嘅材質，原來有機會喺遇熱後釋出有毒物質呢？就算係外賣熱咖啡嘅杯蓋，都唔例外！究竟外賣咖啡要喺幾多時間之內飲完比較好呢？邊啲外賣容器材質最易出事呢？
============
同場加映：
【家居達人】潮濕天氣保養鞋履6招 著2日擺3日？塞報紙免發霉！
============
以前香港外賣最常用發泡膠盒，食物環境衛生署同消費者委員會喺2019年，對食肆及學校飯盒供應商使用嘅即棄式塑膠食物容器進行測試，發現喺正常情況使用下，唔會構成食物安全問題。但發泡膠產品嘅使用溫度範圍係0°C至100°C，如果將食物連盒加熱，發泡膠結構變弱會變形，有可能令聚苯乙烯分解及釋出有害物質，所以超過100°C嘅食物，就唔應該立即放入發泡膠盒內，至於另一款常用嘅PP膠盒，就要睇清楚有無列明可放入微波爐翻熱。
發泡膠用品最好別放喺100°C或以上地方，所以如果將食物連盒加熱，有可能令聚苯乙烯分解及釋出有害物質。
至於紙盒，為了美觀，表面會加上一層非常薄嘅「塑膠淋膜」，大部分是PE或PP混合，若盛裝一般炒飯、炒麵類或少湯汁嘅固體熱食都大致無問題，但如果盛載剛煮滾嘅熱湯麵或粥，可能就會有少量嘅塑膠淋膜溶解，有釋出塑化劑嘅風險。由此就引伸至外賣熱咖啡嘅塑膠材質杯蓋，其實都有同樣風險，杯蓋有機會因為咖啡嘅熱氣持續向上蒸發，可能有微量塑化劑釋放，因此建議盡量喺半小時內飲用完成。
原來外賣紙盒為咗美觀及手感，表面會加上一層非常薄嘅「塑膠淋膜」，遇上剛煮滾嘅熱湯麵或粥，有機會令塑膠淋膜溶解，有釋出塑化劑嘅風險。
外賣熱咖啡嘅塑膠材質杯蓋，杯蓋有機會因為咖啡嘅熱氣持續向上蒸發，可能有微量塑化劑釋放，因此建議盡量喺半小時內飲用完成。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
