大快活部份分店提供免費自取咖啡渣 網民大讚！附咖啡渣5大用處 除臭去濕、去油污一流

============
同場加映：
【家居達人】$12店煮食小幫手　超慳時間＋一物多用！

============

不過有網民表示未於自己區的大快活發現有免費咖啡渣，亦有人指部份分店已實施多年。其實咖啡渣於處理家務事上用途多多，以下即教大家 5 大用法！

1. 除臭去濕︰將咖啡渣放入茶袋或咖啡濾紙即可整成咖啡渣包。如果怕漏出來可多加一層茶袋或濾紙。放在鞋內擺過夜就可去除異味同時吸走濕氣。呢個方法亦適用於衣櫃、鞋櫃等容易受潮而產生異味的地方。

2. 除臭︰有時處理食物會令雙手有陣難聞氣味，如洋蔥、蟹、榴槤等，用梘液洗手都未能完全去除異味。只要拿一點咖啡渣搓揉幾下再用水洗淨就可以輕易除味。不過壞處係咖啡渣較易攝入手指甲隙，又要花些時間清潔，唔算太方便，但去味效果十分好！

3. 去油污︰咖啡渣含有活碳及油脂可以吸附污漬，加水混和能製成天然清潔劑，去除污垢。只要將海綿沾上咖啡渣混合物便能輕鬆清除廚具上的油污，於咖啡渣水中加入少許清潔劑效果更好。磁磚、洗碗槽、爐頭都適用。

4. 保養木家具︰先將亞麻籽油及咖啡渣混合成膏狀，於木家具上塗上混合物再放置一段時間便能修復木製傢俬表面的刮痕，達到打蠟效果，為家具添加一層保護油，延長木製家具壽命。

5. 植物施肥︰將已曬乾嘅咖啡渣同泥土混合放置三個月，經分解後便能提供營養給植物。注意需將咖啡渣曬乾先好用，否則會令盆栽加速枯萎、死亡㗎！

Text/Circle
Photo/Ken、Pinterest、Facebook 群組 @ 食物放提 Free Food Flow