踏入6月，同生活息息相關嘅港鐵及巴士都加價，而細心格吓價，都發現唔少日常用品及各類消費都靜雞雞加咗價……但根據全球人力資源顧問機構ECA International發表最新嘅全球「生活費用研究」，香港連續四年嘅「冠軍」地位，竟然畀紐約取代咗，成為第二位生活費最高城市！究竟點解會有呢個名次變化？香港嘅邊兩類消費，喺一年內貴近兩成呢？
============
同場加映：
【家居達人】$12店煮食小幫手 超慳時間＋一物多用！
============
根據國際人力資源顧問機構ECA International發表嘅最新「生活費用研究」，香港排名由第一下跌變第二，即成為全球生活費用第二高的城市，結束連續四年位居榜首嘅紀錄！而紐約則上升一位，超越香港成為全球生活費用最高成市。呢個名次變化嘅原因，主要係因為香港住屋租金持續下降，儘管本地通脹水平處於歷史高位，但租金嘅下跌幅度抵銷咗日常商品及服務價格上漲嘅影響，令香港排名下降。相反紐約嘅物價上漲速度高於香港，造成今次嘅名次逆轉。
香港之前已連續4 年位居全球生活費用最高城市榜首。
香港今年下跌成第二位，主因係住屋租金持續下降。
紐約今年「取代香港」，成為全球生活費用最高成市。
全球生活費用最高10大城市揭曉
原來ECA International每年都會作出兩次主要調查，以協助企業計算生活費用津貼，從而使員工派駐海外時嘅消費力得到保障，有關調查針對全球超過500個地點，比較外派僱員普遍會購買嘅同類消費品及服務，以及外派僱員通常租住區域嘅租金費用。
全球外派僱員生活費用最高首10個地方
排名 城市
1 紐約
2 香港
3 日內瓦
4 倫敦
5 新加坡
6 蘇黎世
7 三藩市
8 特拉維夫
9 首爾
10 東京
在今次報告入面，香港及大部分亞洲主要地區排名均有下降，但相反，新加坡嘅排名上升8位至第5位，首爾則上升一位至第9位。排名上升原因，都係因為呢兩個地方嘅租金急升，新加坡係因為當地住屋需求大增，而首爾就係因為南韓政府最近修改房屋稅收政策，導致住屋供應下降。
新加坡上升至第5 位，主要原因係當地住屋需求大增導致租金急升。
首爾亦上升一位至第9 位，原因係南韓政府最近修改房屋稅收政策，導致住屋供應下降，租金急升所致。
至於中國，由於人民幣表現疲弱及通脹率較其他地區低，令內地城市排名全線下跌，排名最高嘅兩個城市仍然係上海及廣州，但兩者均跌出全球前10位，排名分別為第13位和第14位。
上海係排名最高嘅國內城市，排第13位。
煙酒及水電煤升幅近兩成
雖然香港整體名次下跌，但其實本港亦受到過去一年嘅全球通脹浪潮影響，商品及服務價格升至多年來嘅高位。根據政府統計處發表嘅2023年4月份綜合消費物價指數，整體消費物價與一年前同月比較，上升2.1%。在各類綜合消費物價指數組成項目中，價格喺2023年4月份錄得按年升幅嘅類別，升幅接近兩成嘅係煙酒（上升18.2%）、電力、燃氣及水（上升17.8%），其餘組別為衣履（上升6.4%）、外出用膳及外賣（上升4.2%）、雜項服務（上升2.3%）、交通（上升2.2%）、雜項物品（上升0.8%），以及住屋（上升0.5%）。
其實本港受到過去一年嘅全球通脹浪潮影響，商品及服務價格升至多年來嘅高位。2023年4月份綜合消費物價指數，整體消費物價與一年前同月比較，上升2.1%。
當中煙酒類嘅升幅最高，達18.2%。
其次為電力、燃氣及水，升幅為17.8%。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
