灣仔居酒屋貼告示唔飲酒要收錢 $38任飲水!老闆8字回應掀起罵戰!網友反應兩極

文: 黃樂恩
2023.06.08

居酒屋一向是不少港人收工聚腳的好地方,一邊歎串燒炸物之餘,又可以小酌兩杯。不過最近灣仔有間居酒屋在網上張貼一則啟示,表示店內即日起提供$38水任飲,很適合「唔食得辣,但又食辣嘢嘅朋友」。帖文一出隨即在網上掀起熱論,網民對此反應兩極,有人認為評店家態度惡劣,「好明顯 想賺酒水錢」,亦有網民力撐居酒屋的做法,並留言「居酒屋不嬲至少要飲一杯野」。

早前位於灣仔的居酒屋「燒房焗」在Facebook專頁張貼一則啟示,表示「我哋係一間居酒屋⋯⋯唔係居水屋」,並表示由即日開始,於店內淨飲水將會收費,「我哋會有$38水任飲,尤其是唔食得辣,但又食辣嘢嘅朋友,真係好抵㗎!#唔飲酒都唔好飲水」。

帖文一出就引起網民關注,其後更在本港討論區掀起熱論,網民對此反應兩極。不少網友不認同淨飲水收費,指出並非人人都適合飲酒,例如女生特別日子時、駕駛者等,質疑居酒屋此做法只為「賺酒水錢」,並留言表示「唔可以剩係食嘢?一定要飲酒?」、「好明顯 想賺酒水錢 比杯水都計」,更有網民批評店家態度惡劣,直言「客人飲唔飲嘢,飲什麼,完全係客人的自由,又唔係食嘢唔俾錢,有什麼問題?

不過,亦有網友力撐居酒屋的做法,更指出「有串燒店係每人最少叫一杯酒」,故淨飲水收費是相當合理,「去居酒屋唔飲酒不如唔好去」、「試下咁樣去日本嘅居酒屋囉,睇下班日本人鬧唔鬧、「居酒屋不嬲至少要飲一杯野、「你咪剩食嘢囉,做咩飲水?佢以加無話一定要飲酒,只係話飲水要錢」。

店主事後已刪除「居酒屋啟示」的帖子,並就事件發出新的帖子「原來咁多人覺得去居酒屋,淨係飲水係冇問題嘅!?」並在留言區店重申,居酒屋有為客人提供酒精以外的飲品,如花茶、汽水、乳酸梳打、有氣礦泉水等,適合無法飲酒人士。

居酒屋文化源自日本,原意指提供美食的小酒館,是不少日本上班族下班後聊天、應酬的地方。而在日本,的確有居酒屋潛規則,只要客人一坐下來,店員就會上前詢問想喝甚麼,特別是多人聚會時,大家都會先點一杯啤酒用來碰杯,然後再慢慢看餐牌。

來源:LIHKG 討論區FB@燒房焗 The Grill Station

同場加映:【香港周圍遊】直擊觀塘全新日式榻榻米風人貓共享空間!25隻嗲人貓咪/日式定食/入場包任飲茶+汽水

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓