記得以前細個聽見人哋話有幾百萬身家，已經好似好巴閉，但隨住通脹，而家喺香港，身家唔過億，都唔好認係富豪喇！根據最新出爐嘅全球億萬富翁人口普查報告，原來香港嘅億萬富翁數目，竟然係全球排第二！究竟香港有幾多個億萬富豪？個報告仲統計埋呢班富豪，究竟係從事邊5 個行業致富，同時閒暇時間究竟對乜嘢有興趣，無論係想做富翁，定係想識返個富翁，都真係要快啲研究吓！
============
同場加映：
【家居達人】$12店煮食小幫手 超慳時間＋一物多用！
============
總部位於倫敦嘅數據公司Altrata每年都會公布一次億萬富翁人口普查，最近嘅報告於5月31日公布，2023年全球億萬富翁人數原來有3,194人，比起2022年減少咗3.5%，更加係自2018年以來人數首次下跌。根據Altrata嘅分析，係因為受到疫情、通脹加劇、俄烏戰爭及新一輪罕見的貨幣緊縮影響。
受疫情及俄烏戰爭等因素影響，過去一年全球億萬富翁人數，減少咗3.5%。
美國最多富翁 新加坡人數升幅最大
但喺全球最多億萬富翁城市排名入面，莫斯科及新加坡嘅人數竟然不跌反升，當中新加坡嘅富豪人數竟增加咗4 人，增幅為全球之冠。以國家計，雖然美國仍然係全球億萬富豪人數最多的國家，但是北美富翁人數卻係4年來首次下跌，跌幅達2.3%，而億萬富豪人數跌幅最嚴重地區原來係亞洲，跌幅達7.1%。
全球10大最多億萬富豪城市排名
| 排名 | 城市 | 人數 |
| 1 | 紐約 | 136 |
| 2 | 香港 | 112 |
| 3 | 三藩市 | 84 |
| 4 | 莫斯科 | 76 |
| 5 | 倫敦 | 75 |
| 6 | 北京 | 61 |
| 7 | 洛杉磯 | 58 |
| 8 | 新加坡 | 54 |
| 9 | 深圳 | 42 |
| 10 | 孟買 | 39 |
紐約係全球最多億萬富翁嘅城市。
雖然去年全球富翁人數減少，但新加坡嘅人數不跌反升，增幅為全球之冠。
全球5大最多億萬富豪國家排名
| 排名 | 國家 | 富豪人數 |
| 1 | 美國 | 955 |
| 2 | 中國 | 357 |
| 3 | 德國 | 173 |
| 4 | 英國 | 114 |
| 5 | 印度 | 113 |
億萬富豪究竟點樣致富？閒暇對乜嘢有興趣呢？
電影同電視劇中，有唔少又年輕又有錢嘅富豪，但根據今次Altrata嘅研究調查，原來全球億萬富翁嘅年齡，50歲以下只有9.5%，接近一半嘅富豪年齡為50至70歲，而全球億萬富翁年齡中位數則為67.2歲。
究竟白手興家嘅億萬富翁，係從乜嘢途徑或從事乜嘢職業致富嘅呢？今次嘅調查就發現呢班富翁主要財富，來自以下5個行業：
億萬富翁主要財富來源途徑
| 排名 | 途徑 | 百分比 |
| 1 | 銀行及金融 | 24.3% |
| 2 | 科技業 | 10.1% |
| 3 | 房地產 | 8% |
| 4 | 商業及顧客服務 | 6.8% |
| 5 | 工業集團公司 | 6.6% |
調查顯示，接近1/4白手興家嘅富豪，都係從事銀行及金融行業。
就算做唔到億萬富翁，大家都一定好有興趣結識吓億萬富翁，究竟富豪會對啲乜嘢最有興趣呢？估唔到今次呢個研究調查都有包括呢個topic，原來唔同年齡嘅富豪興趣好唔同。以50歲以下嘅富豪為例，最有興趣嘅事頭三位依次序係「運動」、「科技」、「慈善事業」。但50歲以上嘅富翁，頭三位次序卻變成「慈善事業」、「運動」及「航空」。
原來50歲以下嘅富豪，對運動最有興趣。
而50歲以上嘅富豪，就對慈善事業最有興趣。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
