粉嶺嘅流浪狗收容所自上年6月被迫搬遷，後來經報導後獲地產商及各界人士協助，狗場可另建新址，《東張西望》一直有關注事件，至今已過去一年，唔知毛孩們係咪成功住入新狗場呢？一齊睇睇～
============
同場加映：
【家居達人】家居植物盆栽推介 新手種咩好？專家教防蚊方法、種植4大要點
============
上年6月，傻媽Annie喺2017年親自創建位於粉嶺嘅流浪狗收容所，因為地主家族土地糾紛被要求遷出，場內已經收留咗超過100隻貓狗，毛孩們可能要再次流離失所。當時經東張西望報導後，得到各界有心人同議員關注事件，更有地產商以象徵式$1租出位於打鼓嶺恐龍坑嘅一約2300平方呎嘅農地，成為新狗場選址。
新址計劃起4間狗屋，每間都有超過2000平方呎，分別畀較健康、有病患、有攻擊性及新救援隔離嘅狗狗居住。上年8月新狗場獲得城規會批准，將農地用途改劃為臨時動物寄養所，為期5年。9月再排水及消防報告批准，可以展開除草平整土地及排水工程。
立法會議員劉國勳指出，由搵到地方進行規劃申請，只係用咗唔夠3個月時間就獲批，其實都算好快。因為更改用途申請涉及多個部門，睇返過往案例，最快都可能要一年半載。今次個案係多個部門同時處理申請，所以先可以將工序時間縮減，先會比以前快。
傻媽榮幸獲專業人士出錢出力幫手為新狗場起狗屋，分別有鋼鐵公司捐贈約70萬鋼材，以及工公司承擔100萬工程費。小型承建商協會主席黃先生就話，好欣賞傻媽服務咁多隻狗，去做一件明顯係冇回報嘅事，呢一點實在好難得，所以決定出一分力。
傻媽表示，真係好激動、好感恩，好多謝咁多人幫手。又指新狗場可以直到路邊，搬運都唔使咁辛苦。今年４、５月多次招募義工，有好多熱心村民同義工都主動嚟幫手。雖然搬遷時都有狗狗有突發情況，不過最終都搬遷成功，順順利利。
Text/ Bee
Source/ 《東張西望》
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
