香港天氣本來就潮濕，夏天碰上梅雨季，炎熱又侷促，心情冇咁舒暢之餘，仲要為晾衫而煩惱！家中有乾衣機固然係方便，但唔係每個家庭都有位放多部大型家電，而二合一洗衣乾衣機又未必適合多人家庭使用。如果你都有呢個困擾，不妨睇睇韓國家居達人分享4個令衣快速變乾嘅方法。
============
同場加映：
【家居達人】潮濕天氣保養鞋履6招 著2日擺3日？塞報紙免發霉！
============
1. 風筒膠袋吹乾法
將濕衣服放喺膠袋入面，再將風筒對住袋內吹風，大概5分鐘就可以將衣服吹乾，而較厚嘅衣物如牛仔褲就要耐啲，所以唔建議烘乾。不過要注意兩點：第一，膠袋袋口同風筒之間不要留縫，確保熱風吹入膠袋之中；第二，風筒唔好連續使用超過10分鐘，建議關著一段時間後就要熄一熄機，防止過熱而發生意外。
2. 長短、厚薄衣服隔住掛
每件衣物大約預留5cm嘅距離，有效加速晾乾衣服。
3.利用銀箔紙
如果曬衣架放喺露台或窗邊位置，可以喺底下鋪上一大塊銀箔紙，透過反射陽光令衣服更快烘乾。如果冇銀箔紙就可以放報紙、吸濕工具，吸走衣服濕氣。
4.利用乾毛巾
如果衣服太濕的話，可以先用乾毛巾印走多出嘅水份，亦可以先將乾毛巾掛上衣架，之後再掛上衣服，利用毛巾吸濕。
Text/ Bee
Source/ YouTube@YTN
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
