一舞傾城|陳法蓉三分鐘認屍戲爆發層次式喊功 抱屍痛哭喪夫演技扣人心弦現場睇到抹眼淚

文: 羅志宏
2023.06.13

TVB劇集《一舞傾城》今晚(13日)九點半播映大結局,昨晚(12日)播出一集,可謂是飾演沙律的陳法蓉Solo之作。女主角陳法蓉飾演的「沙律」因為看著老公中槍身亡,以三分鐘認屍戲爆發層次式喊功,演技獲得一致讚賞。而今晚大結局亮點更將會落在沙律為報仇作出驚人舉動,魚旦媽甚至會領軍上演摔角大戰。

劇情講到沙律(陳法蓉飾)與青龍(唐文龍飾)開心補辦喜酒期間,祝酒之際麻鷹(李嘉飾)突然殺出向志飛(楊明飾)開槍,青龍情急之下為志飛擋槍,青龍臨終前用盡最後一絲氣力為沙律戴上婚戒,沙律抱着老公屍體痛哭。

之後認屍場口,陳法蓉上演近三分鐘獨腳戲,大晒層次式喊戲。進入停屍間後,沙律先是強忍淚水與已離逝的青龍閒話家常,細訴以往甜蜜回憶,直到說出「我真係冇嘢呀」時,得不到回應的沙律終於崩潰爆喊說:「我真係好嬲你,你明明同我講過你會同我一齊到老,你做唔到做咩應承我…」、「我等咗你十幾年喇,你點解要抌低我一個…我冇咗你唔得架…」之後沙律為青龍送上最後一吻,令人動容。

講到這場認屍戲,陳法蓉就透露:「我都唔知拍咗幾多分鐘,淨係知道編劇想我喺呢場戲演得比較有層次,入去時就若無其事傾吓偈先,之後慢慢進入狀態喊出嚟。」陳法蓉指原本還擔心演出達不到導演要求,她說:「拍完即刻衝去導演房問得唔得,點知有個演員指住導演,之後我見到導演抹緊眼淚,佢隔籬個演員又抹緊眼淚,佢哋話覺得好好睇同埋好感人。」

----------以下含大結局劇情劇透部分,請自行酙酌閱讀----------

今晚(13日)九點半播映的大結局,沙律將會和一班姊妹設局,誘騙屠伯自爆犯罪真相,而為夫報仇的沙律更會做出一個驚人舉動。

另外,魚旦媽(莊鍶敏飾)將率領Paula(傅嘉莉飾)、巴巴拉(莊思明飾)和媚媚(趙碩之飾)上演摔跤大戰,她們將與另一班舞小姐在擂台上激戰,畫面吸睛。

 

同場加映:【今期Chill抵】沙田萬怡酒店自助餐買一送一!人均$221起歎即開生蠔/胡椒炒龍蝦!送蒜茸牛油虎蝦

 

圖片來源:劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票】香港來回鹿兒島機票+獨家優惠碼!↓

↓把握機會!立即參加羸免費機票↓

↓把握機會!立即參加羸免費機票↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓