張敬軒演唱會2023|喜見「廟街歌王」尹光成座上客!軒仔即興唱「尹光版」《酷愛》

文: 王庭芝
2023.06.13

張敬軒近日於灣仔會展舉行《REVISIT張敬軒演唱會》,「廟街歌王」尹光於前晚成為座上客之一,軒仔尹光即說:「我真係由細到大都聽你嘅作品!」全場頓時歡呼聲四起!軒仔更即興以「尹光腔」唱《酷愛》,引發全場爆笑,又直言恨與對方組CP唱小曲。

軒仔個唱連日來獲多位圈中人捧場,當中更包括尹光、Candy & Winka@COLLAR、林奕匡(Phil)、桌球運動員傅家俊等,尹光近期因AI模擬其唱腔而爆紅,前晚軒仔一見尹光隨即哼出對方的首本名曲《荷里活》,然後續道:「可唔可以同你開Show呀?我哋就算唔唱諧趣歌......」此時尹光即回應軒仔:「唱你嘅歌!」軒仔聽到即笑說:「如果尹光哥哥版《酷愛》都幾勁!」接著便用尹光腔口唱了幾句《酷愛》,結果爆笑全場。

同場加映:【今期Chill抵】沙田萬怡酒店自助餐買一送一!人均$221起歎即開生蠔/胡椒炒龍蝦!送蒜茸牛油虎蝦

軒仔之後自爆:「過去呢四日,每一日朝早起身第一件事,就係開AI版尹光《一人之境》嚟聽,好鍾意嗰種感覺嗰種Touch,如果有一日可以請尹光哥哥做我嘉賓或者合作開音樂會,我最想同你唱咩歌知唔知?我唱小曲好叻,可以即刻同你組CP。」更即時清唱了兩句《啼笑咽緣》,「好希望有一日可以同你喺台上唱歌。」

軒仔與尹光的互動,令台上台下打成一遍,想不到張媽媽的出現,也令Fans們起哄。事緣軒仔看到台下的張媽媽即Say Hi,並指張媽媽穿上新衫來看演唱會,此時有Fans即大叫「奶奶」,聽力敏銳的軒仔聽到即提問:「邊個叫奶奶呀?」想不到這一問,卻引來更多Fans大叫「奶奶」,叫聲此起彼落,軒仔也弄得啼笑皆非。其實這只是Fans們愛錫軒仔的表現,而他們的愛,在今次演唱會亦可見一斑,他們花盡心思,除了各式各樣的場內應援,在周末的時候,更包下雪糕車在會展外免費派發雪糕給Fans、入場觀眾、市民及遊客,在炎熱的天氣下為大眾消暑。

軒仔實力非凡,而且一直樂於提攜後輩,在演唱會上,他宣布將開辦演藝學校,打算將畢生功力,傳授給新一代:「喺呢20年累積咗唔同嘅經驗,例如舞台上嘅、待人接物、處事上等等,喺今年,我會開始帶小朋友、帶學生。演唱會過後,軒公演藝學院喺7月會公布招生,如果各位有志喺音樂界、娛樂圈發展,又或者爸爸媽媽放心將個小朋友交俾我嘅話,可以嚟報名,我會將我由細到大喺音樂上面識嘅嘢教俾佢哋。」有關詳情,將於稍後公布。

 

來源:大會提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓